Kalki : ‘కల్కి’ సెట్స్ లోకి అడుగుపెట్టబోతున్న ప్రభాస్..కమల్ హాసన్ తో భారీ ఫైట్ సీన్ చిత్రీకరణ!
Prabhas, who is about to enter the sets of ‘Kalki’
Kalki : యంగ్ రెబెల్ స్టార్ ప్రభాస్ ప్రస్తుతం చేస్తున్న సినిమాలలో అభిమానులతో పాటుగా ప్రేక్షకులు కూడా ఎంతో ఆత్రుతతో ఎదురు చూస్తున్న చిత్రం ‘కల్కి 2898AD’. ప్రభాస్ కెరీర్ లోనే అత్యంత భారీ బడ్జెట్ తో తెరకెక్కుతున్న ఈ సినిమా కి సంబంధించిన గ్లిమ్స్ వీడియో ని గత ఏడాది విడుదల చెయ్యగా, దానికి ఫ్యాన్స్ నుండి అద్భుతమైన రెస్పాన్స్ వచ్చింది.
బాహుబలి తర్వాత ‘సలార్’ కాకుండా ప్రభాస్ చిత్రాలలో అత్యంత క్వాలిటీ కంటెంట్ ఉన్న సినిమా ఇదేనని అందరికీ అనిపించింది. అలా కేవలం ఒక్కే ఒక్క గ్లిమ్స్ వీడియో తో అంచులను అమాంతం పెంచేసుకుంది ఈ చిత్రం. ఈ సినిమాలో కమల్ హాసన్, అమితాబ్ బచ్చన్, దీపికా పదుకొనే, దుల్కర్ సల్మాన్ ఇలాంటి సూపర్ స్టార్స్ అందరూ నటిస్తున్నారు. కమల్ హాసన్ ఇందులో నెగటివ్ రోల్ లో కనిపించబోతున్నాడు. సుమారుగా 40 రోజుల కాల్ షీట్స్ ని ఆయన ఈ చిత్రం కోసం కేటాయించాడట. ఫిబ్రవరి 2 వ తారీఖు నుండి ప్రభాస్ కి ఈ సినిమాకి సంబంధించిన కొత్త షెడ్యూల్ ప్రారంభం కానుంది.
ఈ షెడ్యూల్ లో ప్రభాస్ , కమల్ హాసన్ తో పాటుగా అమితాబ్ బచ్చన్, దీపికా పదుకొనే, దిషా పటాని మరియు ఇతర గెస్ట్ నటీనటులు మొత్తం పాల్గొనబోతున్నారు అట. ఇదే సినిమాకి సంబంధించిన పతాక సన్నివేశం అని, ప్రభాస్ మరియు కమల్ హాసన్ మధ్య వచ్చే భీకర పోరుని ఈ షెడ్యూల్ లో తెరకెక్కించబోతున్నారని టాక్. గత కొంతకాలం నుండి మోకాళ్ళ సర్జరీ కారణంగా ఇంట్లో రెస్ట్ తీసుకుంటూ ఉన్న ప్రభాస్, మొత్తానికి ఇప్పుడు కాస్త ఉపశమనం లభించడం తో ఆయన షూటింగ్ లో పాల్గొనడానికి అంగీకరించాడు. ఫస్ట్ హాఫ్ కి సంబంధించిన సినిమా మొత్తం సిద్ధం అయిపోయిందని, సెకండ్ హాఫ్ కి సంబంధించిన ఎడిటింగ్ వర్క్ కూడా మొదలైందని. కమల్ హాసన్ కి సంబంధించిన సన్నివేశాలు, అలాగే ఆయనతో ప్రభాస్ కాంబినేషన్ లో ఉండే సన్నివేశాలు మినహా షూటింగ్ మొత్తం పూర్తి అయ్యినట్టే అని అంటున్నారు మేకర్స్.
ఎట్టిపరిస్థితిలో మార్చి నెలలోపు శూవుటింగ్ కార్యక్రమాలు మొత్తం పూర్తి చేసి, పోస్ట్ ప్రొడక్షన్ వర్క్ బ్యాలన్స్ ని పూర్తి చేస్తామని. మే 9 వ తారీఖున ప్రపంచవ్యాప్తంగా అన్నీ భాషల్లో గ్రాండ్ గా విడుదల చేస్తామని అంటున్నారు. మరి గ్లిమ్స్ వీడియో తోనే ఫ్యాన్స్ ని ఆడియన్స్ ని మైమరచిపోయేలా చేసిన ఈ సినిమా, విడుదల తర్వాత కూడా అలాంటి అనుభూతి కలిగిస్తుందో లేదో చూడాలి.