Prabhas
Prabhas : యంగ్ రెబెల్ స్టార్ ప్రభాస్ రీసెంట్ గా ‘సలార్’ మూవీ సక్సెస్ తో మంచి ఊపు మీద ఉన్నాడు. బాహుబలి తర్వాత వరుస డిజాస్టర్స్ ఫ్లాప్స్ తో డీలాపడిన ప్రభాస్ గ్రాఫ్ ‘సలార్’ చిత్రం మళ్ళీ కుదుటపడింది. అయితే ఎన్నో రోజుల నుండి విరామం లేకుండా వరుసగా షూటింగ్స్ చేస్తూ కాలం గడిపిన ప్రభాస్ ఇప్పుడు కాస్త రిలాక్స్ అవుతున్నాడు. ఇటీవలే ఫారిన్ ట్రిప్ ని ముగించుకొని ఇండియా కి వచ్చిన ప్రభాస్ కొద్ది రోజుల విరామం తర్వాత నిన్న ఆయన మంగళూరు దుర్గా పరమేశ్వరి అమ్మవారిని దర్శించుకున్నాడు.
మాస్కు ధరించి ఒక సాధారణ భక్తుడిగా క్యూ లైన్ లో నిల్చొని వచ్చిన ప్రభాస్ ని భక్తులెవ్వరూ గుర్తించలేకపోయారు. ప్రభాస్ తో పాటుగా సలార్ మూవీ నిర్మాత విజయ్ కూడా విచ్చేశాడు. ప్రభాస్ అమ్మవారి గుడి ని సందర్శించిన సందర్భంగా ఆలయ సమితి ప్రతినిధులు ఆయనకీ అమ్మవారి పటాన్ని బహుమతిగా ఇచ్చారు.
దీనికి సమ్బనించిన ఫోటోలు ప్రస్తుతం సోషల్ మీడియా లో వైరల్ గా మారింది. ఇకపోతే ప్రభాస్ ప్రస్తుతం చేస్తున్న సినిమాల విషయానికి వస్తే , మహానటి ఫేమ్ నాగ అశ్విన్ దర్శకత్వం లో ఆయన నటిస్తున్న భారీ బడ్జెట్ చిత్రం ‘కల్కి 2898AD’ ఈ ఏడాది మే 9 వ తేదీన విడుదల అయ్యేందుకు సిద్ధం గా ఉంది. ఈ సినిమా పై కేవలం అభిమానుల్లో మాత్రమే కాదు ప్రేక్షకుల్లో కూడా భారీ అంచనాలు ఉన్నాయి. గత ఏడాది విడుదలైన ఈ సినిమా మొదటి గ్లిమ్స్ వీడియో కి అద్భుతమైన రెస్పాన్స్ వచ్చింది. విభిన్నమైన కథాంశం తో టైం ట్రావెల్ కాన్సెప్ట్ మీద తెరకెక్కిన ఈ సినిమా మహాభారతం కి లింక్ అయ్యి ఉంటుందని టాక్.
ఇందులో ప్రభాస్ ‘కల్కి’ అనే సూపర్ హీరో పాత్ర పోషిస్తున్నాడు. ఈ సినిమా తర్వాత ఆయన మారుతీ తో చేస్తున్న మరో సినిమా కూడా ఈ ఏడాది లోనే విడుదల అవ్వబోతుంది. గత ఏడాది రెండు సినిమాలు విడుదల చేసిన ప్రభాస్, ఇచ్చిన మాట ప్రకారం ఈ ఏడాది కూడా రెండు సినిమాలు విడుదల చెయ్యబోతున్నాడు. ఈ రెండు చిత్రాల తర్వాత ఆయన ‘ఎనిమల్’ మూవీ దర్శకుడు సందీప్ వంగ తో ‘స్పిరిట్’ అనే సినిమా చెయ్యబోతున్నాడు. ఈ సినిమా కూడా ఈ ఏడాది లోనే విడుదల కాబోతుంది.