Prabhas-Vijay Deverakonda
Prabhas-Vijay Deverakonda : ప్రభాస్ ప్రస్తుతం చేస్తున్న చిత్రాలలో అభిమానులతో పాటుగా ప్రేక్షకులు కూడా ఎంతో ఆతృతగా ఎదురు చూస్తున్న చిత్రాలలో ఒకటి ‘కల్కి 2898 AD’. మహానటి వంటి సంచలనాత్మక చిత్రానికి దర్సకత్వం వహించిన నాగ అశ్విన్ ఈ భారీ బడ్జెట్ పాన్ ఇండియన్ చిత్రాన్ని తెరకెక్కిస్తున్నాడు. ఇప్పటికే సగభాగం కి పైగా షూటింగ్ కార్యక్రమాలను పూర్తి చేసుకున్న ఈ చిత్రం ఏడాది మే 9 వ తారీఖున ప్రపంచవ్యాప్తంగా అన్నీ ప్రాంతీయ భాషల్లో విడుదల కాబోతుంది.
గత ఏడాది ఈ సినిమాని నుండి విడుదలైన గ్లిమ్స్ వీడియో కి ఫ్యాన్స్ మరియు ఆడియన్స్ నుండి అద్భుతమైన రెస్పాన్స్ వచ్చింది. ప్రభాస్ సినిమా అంటే ఇలా కదా ఉండాలి, బాహుబలి తర్వాత మంచి కంటెంట్ ఉన్న సినిమా సిద్ధమైంది అని అనుకున్నారు. టైం ట్రావెల్ కాన్సెప్ట్ తో ఈ చిత్రం తెరకెక్కుతుంది. ఈ సినిమాలో అమితాబ్ బచ్చన్, కమల్ హాసన్, దీపికా పదుకొనె మరియు దుల్కర్ సల్మాన్ ముఖ్య పాత్రలు పోషిస్తున్నారు.
అయితే ఇప్పుడు ఈ సినిమాలోకి మరో క్రేజీ యంగ్ హీరో విజయ్ దేవరకొండ ఎంట్రీ ఇచ్చినట్టు సమాచారం. ఈ చిత్ర నిర్మాత స్వప్న ఒక ముఖ్యమైన పాత్ర ని పోషించబోతున్నట్టు సమాచారం. గతం లో కూడా నాగ అశ్విన్ దర్శకత్వం లో తెరకెక్కిన మహానటి చిత్రం లో విజయ్ దేవరకొండ ఒక ముఖ్య పాత్ర పోషించాడు. ఇప్పుడు మళ్ళీ ఆయన దర్శకత్వం లోనే ముఖ్య పాత్ర చేస్తున్నాడు. అంతే కాకుండా ఈ రెండు సినిమాలు కూడా వైజయంతి బ్యానర్స్ మీద తెరకెక్కడం మరో విశేషం. రీసెంట్ గానే విజయ్ దేవరకొండ షూటింగ్ లో పాల్గొనగా, ఆయనకు సంబంధించిన కొన్ని కీలక సన్నివేశాలను చిత్రీకరించారట. విజయ్ దేవరకొండ ముఖ్య పాత్ర పోషించన మహానటి చిత్రం సెన్సేషనల్ బ్లాక్ బస్టర్ ఎలా అయ్యిందో, ‘కల్కి’ చిత్రం కూడా అలా అవుతుందనే బలమైన నమ్మకం తో ఉన్నారు మేకర్స్.
మరి ఈ సెంటిమెంట్ వాళ్లకి కలిసి వస్తుందో లేదో చూడాలి. ప్రస్తుతం కమల్ హాసన్ కి సంబంధించిన సన్నివేశాలు తప్ప, సినిమా షూటింగ్ మొత్తం పూర్తి అయ్యిందని , త్వరలోనే కమల్ హాసన్ షూటింగ్ లో పాల్గొంటాడని. ఆయనకీ సంబంధించిన షూటింగ్ పార్ట్ ని 45 రోజుల్లో ఫినిష్ చేస్తామని , మే 9 వ తారీఖున ఎట్టి పరిస్థితిలో ఈ సినిమాని విడుదల చేస్తామని చెప్పుకొస్తున్నారు మూవీ మేకర్స్.