Search
HomeExclusive

Salar Trailer:య్యూట్యూబ్‌లో దుమ్ముదులిపేస్తున్న `స‌లార్` ట్రైల‌ర్

Salar Trailer:పాన్ ఇండియా స్టార్ ప్ర‌భాస్ న‌టిస్తున్న భారీ హైఓల్టేజ్ యాక్ష‌న్ ఎంట‌ర్ టైన‌ర్ `స‌లార్ పార్ట్ 1`. ఈ సినిమా ఎప్పుడెప్పుడు థియేట‌ర్ల‌లోకి వ‌స్తుందా అని ప్ర‌పంచ వ్యాప్తంగా ఉన్న ప్ర‌భాస్ అభిమానులు, సినీ ల‌వ‌ర్స్ ఆస‌క్తిగా ఎదురు చూస్తున్నారు. రీసెంట్‌గా విడుద‌లైన ట్రైల‌ర్ యూట్యూబ్‌ని షేక్ చేస్తూ రికార్డులు తిర‌గ‌రాస్తోంది. ట్రైల‌ర్ విడుద‌లైన 24 గంట‌ల్లోనే రికార్డు స్థాయిలో అన్ని భాష‌ల్లో క‌లిపి 116 మిలియ‌న్‌ల వ్యూస్‌ని రాబ‌ట్టి షాక్ ఇచ్చింది.

అంతే కాకుండా ఇప్ప‌టి వ‌ర‌కు ట్రైల‌ర్ విడుద‌లై 24 గంట‌లు గ‌డ‌వ‌క ముందే 106 మిలియ‌న్‌ల వ్యూస్‌ని రాబ‌ట్టి టాప్ ప్లేస్‌లో నిలిచిన‌ `కేజీఎఫ్ చాప్ట‌ర్‌2` ట్రైల‌ర్ రికార్డుని అధిగ‌మించేసింది. ఇక లైక్స్ విష‌యంలోనూ `స‌లార్‌` త‌న స‌త్తాని చాటింది. 24 గంట‌ల్లో 2.7 మిలియ‌న్‌ల లైక్స్‌ని ద‌క్కించుకున్న ఏకైక ట్రైల‌ర్‌గా నిలిచింది. వ్యూస్‌, లైక్స్ ప‌రంగా `స‌లార్‌` రికార్డులు సృష్టించ‌డంతో ఇప్ప‌టి వ‌ర‌కు ఈ ఘ‌న‌త‌ను సాధించిన సినిమాగా `స‌లార్‌` నిలిచింది.

ఇక డిసెంబ‌ర్ 1న `స‌లార్‌` ట్రైల‌ర్ విడుద‌లైన విష‌యం తెలిసిందే. విడుదైన 24 గంట్ల‌లోనే రికార్డు స్థాయి వ్యూస్‌ని రాబ‌ట్టిన ట్రైల‌ర్ డిసెంబ‌ర్ 5 వ‌ర‌కు ఏకంగా 150 మిలియ‌న్‌ల వ్యూస్‌ని క్రాస్ చేసింది. దీంతో `స‌లార్‌` ఇండియ‌న్ సినీ హిస్ట‌రీలోనే మోస్ట్ వీవ్‌డ్ ట్రైల‌ర్‌గా స‌రికొత్త చ‌రిత్ర సృష్టించింది. ఈ సినిమా ట్రైల‌ర్ రికార్డ్స్‌ని క్రాస్ చేయ‌డానికి ఇత‌ర సినిమాల‌కు చాలా స‌మ‌య‌మే ప‌ట్టేలా క‌న‌పిస్తోంది. మ‌ళ్లీ ప్ర‌భాస్ త‌న సినిమా ట్రైల‌ర్ రికార్ట్స్‌ని తానే తిర‌గ‌రాస్తే త‌ప్ప `స‌లార్‌` ట్రైల‌ర్ రికార్డుని మ‌రో హీరో సినిమా అదిగ‌మించ‌డం క‌ష్టమ‌ని ట్రేడ్ వ‌ర్గాలు చెబుతున్నాయి.

ప్ర‌భాస్ న‌టిస్తున్న మ‌రో సినిమా `క‌ల్కి` ఈ రికార్డ్ ని బ్రేక్ చేస్తుందా? అంటే అది కాల‌మే చెప్పాల‌ని అభిమాన‌లు అంటున్నారు. ఇదిలా ఉంటే `స‌లార్` ట్రైల‌ర్ సోష‌ల్ మీడియాతో పాటు డిజిట‌ల్ వ‌ర‌ల్డ్‌లో దూసుకుపోతోంది. ఐదు రోజుల్లో 150 మిలియ‌న్‌ల వ్యూస్‌ని అధిగ‌మించి రికార్డు స్థాయి వ్యూస్ దిశ‌గా ప‌య‌నిస్తోంది. ఇదిలా ఉంటే `స‌లార్‌` డిసెంబ‌ర్ 22న అత్యంత భారీ స్థాయిలో ప్ర‌పంచ వ్యాప్తంగా విడుద‌ల కాబోతోంది. దీంతో డిసెంబ‌ర్ 15 నుంచే ఇండియావైడ్‌గా అడ్వాన్స్ బుకింగ్స్ ప్రారంభం కాబోతున్నాయి. శృతిహాస‌న్ హీరోయిన్‌గా న‌టించిన ఈ మూవీలో మ‌ల‌యాళ స్టార్ హీరో పృథ్వీరాజ్ సుకుమార‌న్‌, జ‌గ‌ప‌తిబాబు, టీనూ ఆనంద్‌, బాబీ సింహా, ఈశ్వ‌రీరావు, శ్రేయారెడ్డి, రామ‌చంద్ర‌రాజు, జాన్ విజ‌య్ త‌దిత‌రులు న‌టించారు.

TAGS