Fauji : ప్రభాస్ ‘ఫౌజీ’ సెట్‌లో జాయిన్ అయిన సీనియర్ హీరోయిన్
Fauji Prabhas and Jayaprada
Fauji Prabhas : యంగ్ రెబల్ స్టార్ ప్రభాస్ వరుసగా సలార్‌, కల్కి 2898 ఏడీ సినిమాలతో బ్లాక్ బస్ట్ హిట్లను అందుకున్నాడు. బాహుబలి తర్వాత ప్రభాస్ నుంచి వచ్చిన సినిమాలన్నీ భారీ యాక్షన్‌ సినిమాలే. ప్రస్తుతం మారుతి దర్శకత్వంలో హర్రర్‌ కామెడీ సినిమా రాజాసాబ్‌ చేస్తున్నారు.రాజాసాబ్‌ సినిమాలో చేస్తూనే మరో వైపు ఫౌజీ షూటింగ్‌ లోనూ ప్రభాస్ హాజరు కాబోతున్నారు. సీతారామం వంటి డీసెంట్ హిట్ దక్కించుకున్న దర్శకుడు హను రాఘవపూడి దర్శకత్వంలో ప్రభాస్ ఫౌజీ సినిమాను చేస్తున్నారు. కొన్ని రోజుల క్రితం ఈ సినిమా లాంఛనంగా ప్రారంభం అయింది. ఆ వెంటనే మధురైలో కీలక సన్నివేశాలను చిత్రీకరించేందుకు దర్శకుడు యూనిట్‌ సభ్యులతో వెళ్లారు. అక్కడ జరుగుతున్న షూటింగ్‌ కి ఇటీవల హీరోయిన్ ఇమాన్వి ఇంకా సీనియర్ హీరోయిన్ జయప్రద జాయిన్ అయ్యారు. ప్రస్తుతం వారిద్దరిపై కీలక సన్నివేశాలను చిత్రీకరిస్తున్నట్లు సమాచారం అందుతోంది.
తెలుగు లో ఒకప్పుడు లెజెండరీ హీరోలతో నటించిన జయప్రద ఇటీవల చాలా తక్కువ సినిమాల్లో నటిస్తున్నారు. ప్రస్తుతానికి ఫౌజీ వర్కింగ్ టైటిల్ తో రూపొందుతున్న ఈ సినిమాలో ప్రభాస్ ఆర్మీ ఆఫీసర్ గా కనిపించబోతున్నారు. యుద్దం నేపథ్యంలో ఒక డీసెంట్ ప్రేమకథను దర్శకుడు హను రాఘవపూడి చూపించబోతున్నాడని, అదే సమయంలో సుభాష్‌ చంద్రబోస్‌ టాపిక్ ని టచ్ చేసే అవకాశాలు ఉన్నాయని ప్రచారం జరుగుతుంది.