Prabhas:శ్రీ‌రాముడి విగ్ర‌హ ప్ర‌తిష్టాప‌న‌కు ప్ర‌భాస్‌కు ఆహ్వానం
Prabhas:`బాహుబ‌లి` సిరీస్ సినిమాల‌తో స్టార్ హీరో ప్ర‌భాస్ ద‌క్షిణాది నుంచి తొలి పాన్ ఇండియా స్టార్‌గా పేరు తెచ్చుకున్నారు. త‌న సినిమాల‌తో తెలుగు సినిమా స్థాయిని, మార్కెట్‌ని రికార్డు స్థాయికి చేర్చిన ప్ర‌భాస్ ఇప్పుడు ఇండియాలోనే అత్యంత పాపులారిటీని ద‌క్కించుకున్న స్టార్ హీరోల జాబితాలో ముందు వ‌ర‌కుస‌లో నిలిచారు. ఇదిలా ఉంటే ఉత్త‌ర‌ప్ర‌దేశ్‌లో అత్యంత ప్ర‌తిష్టాత్మ‌కంగా నిర్మించ‌బ‌డిన అయోధ్య రామాల‌యంలో వ‌చ్చే నెల 22న అత్యంత వూఐభ‌వంగా జ‌రిగే శ్రీ‌రాముని విగ్ర‌హ ప్ర‌తిష్ట మ‌హోత్స‌వానికి ఆయ‌న‌కు ఆహ్వానం అందింది.
ప్ర‌భాస్‌తో పాటు బాలీవుడ్‌కు చెందిన ప్ర‌ముఖ స్టార్లు ర‌ణ్‌బీర్ క‌పూర్‌, అలియాభ‌ట్‌, అజ‌య్‌దేవ‌గ‌న్‌, స‌న్నీడియోల్‌, రాఖీ భాయ్ య‌ష్ స‌హా బాలీవుడ్‌కు చెందిన ప‌లువురు ప్ర‌ముఖుల‌కు ఆహ్వానాలు అందిన‌ట్టుగా తెలుస్తోంది. టాలీవుడ్ నుంచి ఇప్ప‌టి వ‌ర‌కైతే ప్ర‌భాస్ కు మాత్ర‌మే ఆమోధ్య రామాల‌యంలో శ్రీ‌రాముని విగ్ర‌హ ప్ర‌తిష్టాప‌న‌కు ఆహ్వానం అందిన‌ట్టుగా టాలీవుడ్ వ‌ర్గాల స‌మాచారం. ఇదిలా ఉంటే ప్ర‌భాస్ న‌టించిన భారీ యాక్ష‌న్ ఎంట‌ర్ టైన‌ర్ `స‌లార్‌` ఇటీవ‌లే ప్రేక్ష‌కుల ముందుకొచ్చింది.
ప్ర‌శాంత్ నీల్ రూపొందించిన ఈ భారీ యాక్ష‌న్ డ్రామా డిసెంబ‌ర్ 22న ప్ర‌పంచ వ్యాప్తంగా తెలుగుతో పాటు క‌న్న‌డ, త‌మిళ, మ‌ల‌యాళ, హిందీ భాష‌ల్లో విడుద‌లై సంచ‌ల‌నం సృష్టిస్తోంది. బాక్సాఫీస్ వ‌ద్ద రికార్డు స్థాయి వ‌సూళ్ల‌ని రాబ‌డుతూ వ‌సూళ్ల సునామీని సృష్టిస్తోంది. మూఐడు రోజుల‌కు గానూ ఇప్ప‌టి వ‌ర‌కు రూ.402 కోట్లు రాబ‌ట్టి దూసుకుపోతోంది.