Prabhas : లండన్‌లో ప్రభాస్ ఇల్లు.. చూస్తే కళ్లు తిరిగిపోవాల్సిందే..!
Prabhas
Prabhas : టాలీవుడ్ నుంచి బాలీవుడ్ వరకు ప్రజెంట్ హాలీవుడ్ వరకు కూడా పరిచయం అవసరం లేని హీరో ప్రభాస్. వరల్డ్ టాప్ హీరోల్లో ఇండియా నుంచి ఈయన పేరు ముందుండాల్సిందే. ఆయన సినిమాలు బాక్సాఫీస్ వద్ద బోల్తా కొట్టినా కూడా కలెక్షన్లలో మాత్రం రికార్డులు బద్దలు కొట్టాలిందే. దీనికి కారణం కేవలం ఆయన కటౌట్ మాత్రమే అంటే అతిశయోక్తి కాదు. నెక్ట్స్ జనరేషన్ హీరోల్లో టాప్ ప్లేస్ ప్రభాస్ దే.
ప్రభాస్ ప్రస్తుతం ‘కల్కి 2898 ఏడీ’ షూటింగ్‌లో బిజీగా ఉన్నారు. ఆయనకు సంబంధించిన ఒక వార్త నెట్టింట వైరల్‌గా మారింది. లండన్‌లో లగ్జరీ విల్లాను కొనుగోలు చేసినట్లు తెలిసింది. ఆ ఇల్లు కొనుగోలు చేసే ముందు సినిమా షూట్స్‌, వెకేషన్స్‌ కోసం వెళ్లినప్పుడల్లా అక్కడే ఉండేవారట. దాదాపు నెలకు రూ. కోటి వరకు అద్దె చెల్లించేవారని సమాచారం. అయితే ఆ ఇల్లు బాగా నచ్చడంతో భారీగా వెచ్చించి సొంతం చేసుకున్నట్లు తెలుస్తోంది. కానీ దానిపై ఎలాంటి అధికారిక ప్రకటన వెలువడలేదు.
‘సలార్’ మూవీతో గతేడాది ప్రేక్షకులను అలరించారు ప్రభాస్. సలార్ ఎపిక్‌ యాక్షన్‌ ఫిల్మ్‌గా తెరకెక్కింది. ప్రస్తుతం నాగ్‌ అశ్విన్‌ దర్శకత్వంలో ‘కల్కి 2898 ఏడీ’ షూటింగ్ లో ఉన్నారు. ఇది భారీ బడ్జెట్‌ సైన్స్‌ ఫిక్షన్‌ మూవీ. ఇందులో హీరోయిన్ గా దీపికా పదుకొణె, మరో లీడ్ రోల్ లో అమితాబ్‌ బచ్చన్‌ నటిస్తున్నారు. ప్రభాస్ పాత్ర పేరు భైరవ.. ఈ పాత్రను ఉద్దేశించి ప్రొడ్యూసర్ స్వప్నదత్‌ రీసెంట్ గా ఆసక్తికర వ్యాఖ్యలు చేశారు. ఆమె ఏమన్నారంటే ‘భైరవ పాత్ర ప్రేక్షకుల హృదయాల్లో ఎప్పటికీ గుర్తుండిపోతుంది’ అన్నారు. ఈ సినిమాతో పాటే దర్శకుడు మారుతితో ‘రాజాసాబ్‌’, ప్రశాంత్ నీల్ తో ‘సలార్ 2’ చేస్తున్నారు.