Prabhas Fauji : ప్రభాస్ ‘ఫౌజీ’.. ప్లానింగ్ ఇదే! షూటింగ్ ఎప్పుడంటే?

Prabhas Fauji

Prabhas Fauji : వరల్డ్ బాక్సాఫీస్ ను ‘కల్కి 2898 ఏడీ’ షేక్ చేసిన రెబల్ స్టార్. ప్రస్తుతం హారర్ రొమాంటిక్ కామెడీలో సినిమా షూటింగ్ లో బిజీగా ఉన్నాడు. మారుతీ డైరెక్షన్ లో వస్తున్న ‘రాజాసాబ్’ షూటింగ్ లో ఉన్నాడు. దీనికి సంబంధించిన టీజర్ ఇటీవల రిలీజ్ కాగా.. భారీ వ్యూవ్స్ తో రికార్డులను క్రియేట్ చేసింది. ఇక తన తర్వాతి మూవీ ‘ఫౌజీ’ని కూడా మొదలు పెట్టబోతున్నాడు. మరో రెండు రోజుల తర్వాత అంటే ఆగస్ట్ 17న ఫౌజీ లాంఛనంగా ప్రారంభం కానుంది. అదే రోజు టైటిల్ ను అధికారికంగా అనౌన్స్ చేసే అవకాశం ఉందని టాలీవుడ్ టాక్.

నిజానికి 18 వ తేదీ నుంచి పౌజీ రెగ్యుల‌ర్ షూట్ మొద‌లవ్వాలి. కానీ కొన్ని కార‌ణాల వ‌ల్ల ఆల‌స్యం జరుగుతోంది. వ‌చ్చే నెల నుంచి త‌మిళనాడులో ఓ షెడ్యూల్ ప్రారంభిస్తారు. ప్రభాస్ కు సంబంధించి కీల‌క స‌న్నివేశాలను ఇక్కడ తెరకెక్కించనున్నారు. ఈ మూవీలో క‌థానాయిక‌గా ‘సీతారామం’ ఫేమ్ మృణాల్ ఠాకూర్‌ను సెలక్ట్ చేసినట్లు వార్తలు వినిపిస్తున్నాయి. ఈ నేపథ్యంలో ఇది కేవలం పుకారు మాత్రమే అంటూ మృణాల్ డైరెక్టర్ ప్రకటననే ఇచ్చింది.

ఇప్పుడు సౌత్ క్వీన్ త్రిష పేరు గ‌ట్టిగా వినిపిస్తోంది. ప్రభాస్-త్రిష సూప‌ర్ హిట్ కాంబో ‘వ‌ర్షం’. వీరి జోడీ ఆ సినిమాకు బాగా హైలెట్ గా నిలిచింది. ఇద్దరి మధ్యా మంచి కెమిస్ట్రీ కూడా ఉంది. ఈ సినిమా ప్రభాస్ కెరీర్ నే మలుపుతిప్పిందనడంలో ఎలాంటి సందేహం లేదు.  ఆ తర్వాత వ‌చ్చిన ‘బుజ్జిగాడు’ కూడా ఆకట్టుకుంది. ఈ రెండింటి మధ్యలో వచ్చిన పౌర్ణమి బాగా నిరాశ ప‌రిచినా, అందులో కూడా ప్రభాస్-త్రిష కెమిస్ట్రీ బాగానే వర్కవుట్ అయ్యింది. అందుకే ఫౌజీకి కూడా త్రిషనే తీసుకునే అవకాశాలు ఉన్నాయని తెలుస్తోంది. దేశానికి స్వాతంత్రం రాక ముందు  జ‌రిగిన కథను సినిమాగా తెరకెక్కిస్తున్నాడు దర్శకుడు. ఇందులో ప్రభాస్ బ్రిటీష్ సైనికుడిలా కనిపించబోతున్నాడంటూ టాక్.