Prabhas Fans : ఆ హీరోయిన్ తో సినిమా చెయ్యొద్దు అంటూ ప్రభాస్ ని వేడుకుంటున్న ఫ్యాన్స్!

Prabhas Fans Request

Prabhas Fans : బాహుబలి సిరీస్ తర్వాత వరుస డిజాస్టర్ ఫ్లాప్స్ ఎదురుకున్న ప్రభాస్ కి ‘సలార్’ చిత్రం రూపం లో పెద్ద బ్లాక్ బస్టర్ హిట్ దక్కిన సంగతి అందరికీ తెలిసిందే. ప్రభాస్ మార్క్ ఫైట్స్, యాక్షన్ అన్నీ ఈ సినిమాలోనే చూపించేసరికి అభిమానుల ఆనందానికి హద్దులే లేకుండా పోయింది. ఇప్పటి నుండి కేవలం సక్సెస్ స్ట్రీక్ ని మాత్రమే ఎంజాయ్ చెయ్యాలని ఫ్యాన్స్ ప్రభాస్ నుండి బలంగా కోరుకుంటున్నారు.

ఎందుకంటే ప్రభాస్ లాంటి హీరో సరైన సినిమాలు చేసుకుంటూ పోతే బాక్స్ ఆఫీస్ వద్ద వందల కోట్ల బిజినెస్ జరుగుతుంది. అందుకే ప్రభాస్ కి హిట్లు తప్ప ఫ్లాప్స్ రాకూడదని ప్రార్థిస్తున్నారు. కానీ రీసెంట్ గా ప్రభాస్ శ్రీలీల తో జతకట్టబోతున్నట్టు వార్తలు వినిపిస్తున్నాయి. దీనికి ఫ్యాన్స్ నుండి రెస్పాన్స్ చాలా వయలెంట్ గా వచ్చింది. శ్రీలీల తో సినిమా వద్దు బాబోయ్ అంటూ ప్రభాస్ ని ట్యాగ్ చేసి సోషల్ మీడియా లో పోస్టులు పెడుతున్నారు.

ఎందుకంటే  ధమాకా చిత్రం తర్వాత శ్రీలీల చేసిన సినిమాలన్నీ కమర్షియల్ గా డిజాస్టర్ ఫ్లాప్స్ గా నిలిచాయి. మధ్యలో బాలయ్య బాబు తో చేసిన ‘భగవంత్ కేసరి’ చిత్రం పర్వాలేదు అనే రేంజ్ లో ఆడింది కానీ , కమర్షియల్ గా పూర్తి స్థాయిలో ఈ సినిమా బ్రేక్ ఈవెన్ అవ్వలేకపోయింది. ఇక రీసెంట్ గానే సూపర్ స్టార్ మహేష్ బాబు తో ఆమె చేసిన ‘గుంటూరు కారం’ చిత్రం బాక్స్ ఆఫీస్ వద్ద ఎంత పెద్ద డిజాస్టర్ ఫ్లాప్ గా నిల్చిందో మన అందరికీ తెలిసిందే.

గత కొద్ది సినిమాల నుండి టాక్ తో సంబంధం లేకుండా వసూళ్లను రాబడుతూ ముందుకు దూసుకుపోతున్న మహేష్ బాబు లాంటి హీరో కి కూడా అంత పెద్ద డిజాస్టర్ ఫ్లాప్ ఇచ్చింది అంటే, పాప హ్యాండ్ మామూలుది కాదు అంటూ సోషల్ మీడియా లో నెటిజెన్స్ ట్రోల్ల్స్ వేస్తున్నారు. ఒకటి రెండు సినిమాలు ఫ్లాప్ అయితే పర్లేదు అనుకోవచ్చు, కానీ చేసిన ప్రతీ సినిమా ఫ్లాప్ అవుతుంది కాబట్టి కచ్చితంగా సెంటిమెంట్ బలంగా అనుసరించాల్సిందే. అందుకే శ్రీలీల తో వద్దు అంటూ ప్రభాస్ ఫ్యాన్స్ కోరుతున్నారు. మరి ఫ్యాన్స్ రిక్వెస్ట్ ని ప్రభాస్ పరిగణలోకి తీసుకుంటాడా లేదా అనేది చూడాలి.