Prabhas-Deepika and Amitabh
Prabhas-Deepika and Amitabh : నాగ్ అశ్విన్ దర్శకత్వంలో రెబల్ స్టార్ ప్రభాస్, అమితాబ్ బచ్చన్, కమల్ హాసన్, దిశా పటానీ, దీపికా పదుకొణె నటించిన ‘కల్కి 2898 AD’ ప్రీ రిలీజ్ బుధవారం అంగరంగ వైభవంగా జరిగింది. ఈ ప్రత్యేక కార్యక్రమానికి మూవీలోని స్టార్స్ అందరూ హాజరయ్యారు. అమితాబ్ బచ్చన్, ప్రభాస్, కమల్ హాసన్, దీపికా పదుకొణెలతో పాటు పలువురు స్టార్స్ కనిపించారు. ఈ ఈవెంట్ లో హీరోయిన్ దీపికా పదుకొణె తన బేబీ బంప్‌ని ప్రదర్శిస్తూ కనిపించింది. అమితాబ్ బచ్చన్ నుంచి ప్రభాస్ వరకు ఆమెను చాలా జాగ్రత్తగా చూసుకున్నారు. ఈ వీడియో ఇప్పుడు వైరల్ గా మారింది. నెటిజన్లు, అభిమానులు బిగ్ బీ తో పాటు ప్రభాస్‌లపై ప్రశంసలు కురిపిస్తున్నారు.
దీపికా పదుకొణె వేదికపైకి రావడానికి వస్తుండగా ఆమె మెట్ల దగ్గరకు చేరుకోగానే, అమితాబ్ బచ్చన్ ఆమె వద్దకు పరిగెత్తుకు వెళ్లాడు. ఆమెకు చేయందించి వేదికపైకి తీసుకెళ్లాడు. అయితే దీపిక కాసేపు ప్రభాస్ పక్కన నిల్చొని ఉంది. వేదికపై నుంచి దీపికా పదుకొణె దిగి వస్తున్నండగా రానా దగ్గుబాటి, ప్రభాస్ ఆమెకు చేయందించారు. దీపిక మెట్లు దిగడానికి సాయం చేశారు. ప్రభాస్ దీపిక చేయి పట్టుకుని మెట్లు దిగేందుకు సాయం అందించాడు. అమితాబ్ బచ్చన్ కూడా వెనుక నుంచి వచ్చి ప్రభాస్‌ని పట్టుకొని నవ్వులు పూయించారు.
అయితే ప్రభాస్ దీపికకు మెట్లు దిగడంలో సాయం చేస్తున్న వీడియో సోషల్ మీడియాలో వైరల్ గా మారింది. ప్రభాస్ జెంటిల్ మెన్ అంటూ ప్రశంసలు కురిపిస్తున్నారు. ఈవెంట్ లో ఈ సంఘటన జరిగినప్పటి నుంచి సోషల్ మీడియాలో ఈ వీడియో ట్రెండిగ్ లో ఉంది.
దీపిక బ్లాక్ డ్రెస్ ధరించింది. బాడీకాన్ బ్లాక్ డ్రెస్‌తో ఆల్ బ్లాక్ లుక్‌ లో ఆకట్టుకుంది. ఈ ఈవెంట్ లో అమితాబ్ బచ్చన్, ప్రభాస్ కూడా ఆల్ బ్లాక్ లుక్‌లో కనిపించారు. విశ్వనటుుడు కమల్ హాసన్ మాత్రం గ్రే సూట్‌లో కనిపించారు.