Prabhas : ఏపీ ఎన్నికలపై ప్రభాస్ కామెంట్ వైరల్..

Prabhas-AP Elections

Prabhas : ఆంధ్రప్రదేశ్ లో పోలింగ్ కు ఇంకా వారం మాత్రమే ఉంది. దీంతో నాయకులు ప్రచారాన్ని మరింత ముమ్మరం చేస్తున్నారు. అయితే సోషల్ మీడియా పరంగా కూడా ఇటు మహా కూటమి, అంటు వైసీపీ బాహా బాహీ తలపడుతున్నాయి. ఇందులో కొందరు సెలబ్రెటీలను కూడా చేర్చుకుంటూ రెండు పార్టీలు పోస్ట్ లు, లైకులు, షేర్లు చేస్తూ తెగ హల్ చల్ చేస్తున్నాయి.

ఇందులో భాగంగానే పాన్ ఇండియా స్టార్ ప్రభాస్ పై ఒక ఫొటో కామెంట్ తీవ్రంగా హల్ చల్ చేస్తుంది. అందులో ఆయన తన బ్లాక్ బస్టర్ సినిమాలో చెప్పిన డైలాగ్ ను వైసీపీపై అస్త్రంగా మార్చారు వైరల్ రాయుళ్లు. ప్రభాస్ నటించిన ఛత్రపతి సినిమాలో ‘ఇన్ని రోజులు గంజికి ఏడ్చాం.. ’ డైలాగ్ ఇప్పటికీ తెలుగు వారికి గుర్తుండే ఉంటుంది. దాన్ని కాపీ కొట్టి ఇక్కడ ఒకటి క్రియేట్ చేశారు. దాన్ని చూద్దాం..

‘ఇన్ని రోజులు మా కష్టాన్ని, మా డబ్బుని, మా టైమ్ ను పెట్టుబడిగా పెట్టి తీసిన సినిమా టికెట్ రేట్ల కోసం, అదనపు షోల కోసం అడ్డమైన వాళ్లని అడిగి అడిగి విసిగిపోయాం. ఇంక చాలు, ఎవడి చేతులు పట్టుకొని బతిమిలాడే ప్రశ్నే లేదు. కళాకారులను గౌరవించే చంద్రబాబు గారికి, మా తోటి కళాకారుడు పవన్ కళ్యాణ్ గారికి మా మద్దతు. నా ఫ్యాన్స తో పాటు తెలుగు సినిమా ఫ్యాన్స్ తెలివిగా వ్యవహరిస్తారని ఆశిస్తున్నా.. – మీ ఉప్పలపాటి ప్రభాస్

అంటూ క్రియేట్ చేసి సోషల్ మీడియాలోకి వదిలారు. ఇది వైరల్ కావడమే కాదు కళాకారులు, ఓటర్లను కూడా ఆలోచింపచేస్తుంది.