Prabhas- Anushka : ముహూర్తం కుదిరింది.. ప్రభాస్, అనుష్క ఫ్యాన్స్ కు ఇక పండుగే..

Prabhas- Anushka

Prabhas- Anushka : బహుబలికి ముందు ప్రభాస్ వేరు..బహుబలి తర్వాత ప్రభాస్ వేరు అని మనకు తెలిసిందే. అయితే ఈ పోలిక ఆయన క్యారెక్టర్ లో మాత్రం కాదు..ఆయన స్టార్ డమ్ లో మాత్రమే. ప్రభాస్ హిట్లు, ప్లాపులతో తన క్యారెక్టర్ మార్చుకోడని ఫ్యాన్స్ చెప్తుంటారు. ప్రభాస్ ఎప్పుడు డార్లింగేనని పొగుడుతుంటారు. అలాంటి ప్రభాస్ వరుసగా భారీ పాన్ ఇండియా సినిమాలు చేస్తున్నారు. అయితే బహుబలి తర్వాత సరైన హిట్ పడలేదు. కానీ సలార్ తో ఆ కరువు తీరిపోయింది. ప్రభాస్ మళ్లీ బ్లాక్ బస్టర్ లైన్ లోకి వచ్చేశాడు.

ప్రభాస్ చేతిలో ప్రస్తుతం కల్కి, సలార్ 2, రాజా సాబ్ సినిమాలు ఉన్నాయి. ఇవి కాకుండా సందీప్ రెడ్డి వంగా దర్శకత్వంలో కూడా ఓ సినిమా ప్రకటించాడు. ఇప్పటికే దీనిపై అధికారిక ప్రకటన కూడా వెలువడింది. ఈ సినిమాకు ‘స్పిరిట్’ అనే టైటిల్ కూడా ఖరారు చేశారు. సినిమా ప్రకటన వెలువడి చాలా రోజులైనప్పటికీ ఇప్పటివరకూ షూటింగ్ మొదలుకాలేదు.

హైరేంజ్ యాక్షన్ తో రాబోతున్న ఈ మూవీలో ప్రభాస్ పవర్ ఫుల్ పోలీస్ రోల్ చేస్తున్నట్లు సందీప్ రెడ్డి వెల్లడించాడు. త్వరలోనే ఈ సినిమా ప్రీ ప్రొడక్షన్ వర్క్ ప్రారంభం అవుతుందని అంటున్నారు. ఇక ఈ చిత్రంలో హీరోయిన్ ఎవరు? అని ఫ్యాన్స్ లో ఉత్కంఠ ఉండేది. అయితే తాజాగా ఈ సినిమాలో హీరోయిన్ గా అనుష్క శెట్టి చేయబోతోందనే వార్తలు చక్కర్లు కొడుతున్నాయి. సందీప్ చెప్పిన కథకు అనుష్క గ్రీన్ సిగ్నల్ ఇచ్చిందని సమాచారం. ఇదిలా ఉండగా ఈ మూవీ షూటింగ్ ను ఈ ఏడాది చివర్లో ప్రారంభించాలని మూవీ యూనిట్ డిసైడ్ అయ్యిందట. మంచి ముహూర్తం రోజున సినిమాను ప్రారంభిస్తారని తెలిసింది.