Family Star : ‘ఫ్యామిలీ స్టార్’పై ప్రభాస్, సమంత పోస్ట్.. రీ పోస్ట్ చేసిన విజయ్ దేవరకొండ

Family Star

Family Star : విజయ్ దేవరకొండ, మృణాల్ ఠాకూర్ జంటగా నటించిన చిత్రం ‘ఫ్యామిలీ స్టార్’. ఈ సినిమా శుక్రవారం (ఏప్రిల్ 5) రోజున ప్రేక్షకుల ముందుకు రానుంది. వీరు కొన్ని రోజులుగా సినిమా ప్రమోషన్స్ లో బిజీగా ఉన్నారు. తాజాగా ఈ సినిమా విడుదలకు ముందు ప్రభాస్, సమంత రూత్ ప్రభు సోషల్ మీడియా వేదికగా శుభాకాంక్షలు తెలియజేశారు.

రెబల్ స్టార్ ప్రభాస్ తన ఇన్ స్టా స్టోరీలో ‘ఫ్యామిలీ స్టార్’ పోస్టర్ ను షేర్ చేశారు. షేర్ చేయడమే కాకుండా ‘@vijaydeverakonda, @mrunalthakur, దిల్ రాజుగారితో పాటు చిత్రబృందానికి ఆల్ ది బెస్ట్ #TheFamilyStar’ అంటూ క్యాప్షన్ రాసుకున్నారు. ప్రభాస్ పోస్ట్ చేసిన దాన్ని రీషూట్ చేస్తూ విజయ్ థ్యాంక్స్ చెబుతూ ‘ఐ లవ్ యూ ప్రభాస్ అన్నా’ అంటూ కామెంట్ చేశాడు.

అదే సమయంలో విజయ్, మృణాల్, దిల్ రాజుతో కలిసి దిగిన ఫొటోను షేర్ చేసిన సమంత రూత్ ప్రభు ‘గో గెట్ ఏ బ్లాక్ బస్టర్, ఫ్యామిలీ స్టార్ రేపు విడుదల’ అంటూ కామెంట్ చేసింది. ‘థాంక్యూ సామీ’ అంటూ హార్ట్ ఎమోజీతో పాటు ఓ నోట్ తో రిప్లయ్ ఇచ్చాడు విజయ్.

పరశురామ్ పెట్ల దర్శకత్వం వహించిన ‘ఫ్యామిలీ స్టార్’ చిత్రం తన కుటుంబాన్ని దుష్ట దృష్టి నుండి రక్షించడానికి ఎంతవరకైనా వెళ్లే షార్ట్ టెంపర్ యువకుడి కథ. విజయ్ దేవరకొండకు ‘గీత గోవిందం’ వంటి బ్లాక్ బస్టర్ హిట్ తర్వాత విజయ్ పరశురామ్ తో సినిమా చేస్తున్నాడు.