Poonam Kaur-Jagan : సీఎం జగన్ పై పూనమ్ కౌర్ ప్రశంసలు.. విషయం ఏమిటంటే..

Poonam Kaur-Jagan

Poonam Kaur-Jagan : టాలీవుడ్ హీరోయిన్ పూనమ్ కౌర్ గురించి ప్రత్యేకంగా చెప్పనక్కర్లేదు. అనేక తెలుగు చిత్రాల్లో నటించింది. స్టార్ హీరోయిన్ గా గుర్తింపు తెచ్చుకోకపోయినా తాను చేసే ట్వీట్లతో వార్తల్లో నిలుస్తూ ఉంటుంది. సమాజంలో జరిగే అంశాలపై, సినీ ఇండస్ట్రీలో జరిగే వాటిపై స్పందిస్తూ సోషల్ మీడియాలో పోస్టులు పెడుతుంటుంది. అయితే ఈ మధ్య ఆమె పెద్దగా బయటకు రావడం లేదు. సినిమాల్లోనూ నటించక చాలా కాలమే అయింది. తన ట్వీట్ లతోనే తన అభిప్రాయాలను వ్యక్తం చేస్తుంటుంది.

తాజాగా ఏపీ సీఎం వైఎస్ జగన్ మోహన్ రెడ్డిని ప్రశంసిస్తూ ట్వీట్ చేసింది. కోవిడ్ మహమ్మారి విజృంభించిన సమయంలో చేనేత కార్మికులకు అండగా వైసీపీ నిలిచిందని, వారి కోసం చాలా మంచి పనులు చేశారని ఆమె ఎక్స్ లో ట్వీట్ చేసింది. అలానే చేనేత కార్మికుల సమస్యలపై క్రియాశీలకంగా పనిచేసే కార్యకర్తగా చెబుతున్నా.. ఇది చాలా గొప్ప విషయమని ఆమె ట్వీట్ చేసింది. కాగా, ఎన్నికల వేళ పూనమ్ ఈ ట్వీట్ చేయడం ప్రాధాన్యం సంతరించుకుంది.

పూనమ్ ట్వీట్ తో వైసీపీ అనుకూల, టీడీపీ-జనసేన అనుకూల నెటిజన్ల మధ్య వార్ జరుగుతోంది. పూనమ్ కౌర్ కామెంట్స్ ను వైసీపీ వాళ్లు హర్షం వ్యక్తం చేస్తుండగా.. టీడీపీ, జనసేన సపోర్టర్స్ ‘అంత లేదు’’ అంటూ కామెంట్స్ చేస్తున్నారు.

#ysrcp has done the best job for weavers during pandemic and I am as an activist extremely greatfull for this .

— पूनम कौर ❤️ poonam kaur (@poonamkaurlal) March 6, 2024