Dehradun Police : ఎమర్జెన్సీ వార్డులోకి పోలీసు వాహనం – డెహ్రాడూన్ పోలీసుల నిర్వాకం

Dehradun Police 

Dehradun Police : ఓ నిందితుడిని అరెస్టు చేసేందుకు ఆస్పత్రిలోని ఎమర్జెన్సీ వార్డులోకి పోలీసులు తమ వాహనం తీసుకొచ్చి హడావుడి చేశారు. వార్డులోకి కారు వెళ్లేందుకు బెడ్లను సైతం పక్కకు జరిపి వేయడంతో రోగులంతా అయోమయానికి గురయ్యారు. దీనికి సంబంధించిన వీడియో దృశ్యాలు సోషల్ మీడియాలో వైరలవుతున్నాయి.

ఈ ఘటన AIIMS రిషికేశ్ లో జరిగింది. ఆస్పత్రిలో పనిచేసే ఓ అధికారి మహిళా వైద్యురాలిపై వేధింపులకు పాల్పడడంతో ఆమె డెహ్రాడూన్ పోలీసులకు ఫిర్యాదు చేసింది.  బాధితురాలి ఫిర్యాదుతో నిందితుడైన అధికారిని అరెస్టు చేసేందుకు పోలీసులు ఇలా వాహనంలో ఎమర్జెన్సీ వార్డులోకి వచ్చారు. అక్కడున్నవారిలో ఒకరు ఈ దృశ్యాలను వీడియో తీసి అప్ లోడ్ చేయడంతో సోషల్ మీడియాలో వైరలవుతున్నాయి.