Star Heroes Enjoying Diwali : దీపావళి పండుగలో చిరంజీవి, నాగార్జున, వెంకటేష్ కలిసి ఎంజాయ్ షేక్ చేసే ఫొటోలు.. వైరల్
Star Heroes Enjoying Diwali : తారలంతా ఒక చోట చేరితే సందడే. వారికే కాదు ప్రేక్షకులకు కూడా నిజమైన దీపావళే. ఆ అవకాశం కోసం చాన్నాళ్లుగా ఎదురు చూస్తున్నారు. నిన్న దీపావళి సందర్భంగా ఆ ముచ్చట తీర్చుకున్నారు. దీనికి మెగాస్టార్ చిరంజీవి ఇల్లు వేదికైంది. అగ్ర నటుల రాకతో సందడే సందడిగా మారింది. అందరు సతీసమేతంగా రావడంతో ఇల్లంతా కళకళలాడింది. ఈ ఫొటోలు సోషల్ మీడియాలో వైరల్ గా మారుతున్నాయి.
ఎటు చూసినా తారల తళుక్కులే. ఎవరిని చూసినా చిరునవ్వులే. సినీ కుటుంబం ఒక్క చోట చేరడం విశేషం. అది ఏ ముహూర్తానికో కాదు. దీపావళి పండగకు ప్రముఖ హీరోలంతా సతీసమేతంగా రావడంతో కనువిందుగా మారింది. మెగాస్టార్ తో వారు పిచ్చాపాటిగా మాట్లాడారు. తమ అనుభూతులు పంచుకున్నారు. ఆనందాలతో వేడుక చేసుకున్నారు.
మెగాస్టార్ చిరంజీవి తనయుడు రాంచరణ్ కు కూతురు (క్లీంకార) పుట్టాక ప్రతి వేడుకను అంగరంగ వైభవంగా నిర్వహించుకుంటున్నారు. ఇందులో భాగంగానే దీపావళి వేడుకను అందరితో పంచుకోవాలని అనుకున్నారు. ఇంకేముంది అందరిని తమ ఇంటికి రావాల్సిందిగా ఆహ్వానించారు. దీంతో విక్టరీ వెంకటేష్, యువ సామ్రాట్ అక్కినేని నాగార్జున, స్టైలిష్ స్టార్ అల్లు అర్జున్, అల్లు శిరీష్, సాయిధరమ్ తేజ్, వైష్ణవ్ తేజ్, అఖిల్, మంచు లక్ష్మి, మంచు మనోజ్ వరుణ్ తేజ్ తదితరులు హాజరయ్యారు.
దీపాల పండుగ కావడంతో తారలంతా ఒకే చోట చేరడం ఆహ్లాదకరంగా తయారయింది. ప్రేక్షకులు కూడా మురిసిపోయారు. చిరంజీవి, వెంకటేష్, నాగార్జున లను ఒకే వేదిక మీద చూసి ఆశ్చర్యపోయారు. తారాగణాన్ని చూసి షాక్ కు గురయ్యారు. దీపావళి వీరందరిని కలిపినందుకు సంబరం వ్యక్తం చేస్తున్నారు. తారలంతా ఒకే చోట చేరడం నిజంగా ప్రేక్షకులకు పండగే అని తెలుస్తోంది.
