NTR-Balakrishna : మోహన్‌బాబు కెరీర్‌లో గొప్ప విజయం సాధించిన 1995 సినిమా పెదరాయుడు అసలు సీనియర్ ఎన్టీఆర్, బాలకృష్ణ కాంబినేషన్‌లో రూపొందాల్సిందట. ఈ చిత్రాన్ని నాట్టమై అనే తమిళ హిట్ సినిమా ఆధారంగా కేవీవీ సత్యనారాయణ తెలుగులో రీమేక్ చేయాలని నిర్ణయించారు. ఎన్టీఆర్, బాలకృష్ణతో రాఘవేంద్రరావు దర్శకత్వంలో సినిమా రూపొందించాలని ప్రణాళిక. అయితే రీమేక్ రైట్స్ కేవీవీకి ఇవ్వబోతున్న నిర్మాత ఆర్‌బీ చౌదరిని రజనీకాంత్ ఫోన్ చేసి, తనకే రైట్స్ ఇవ్వాలంటూ అడిగారు. ఆ సూపర్ స్టార్ ఫోన్‌తో పరిస్థితి మారిపోయి, రైట్స్ రజనీకి వెళ్లిపోయాయి. దీంతో ఎన్టీఆర్-బాలకృష్ణ కలయిక తలకిందులైంది. తర్వాత మోహన్‌బాబు హీరోగా, రజనీకాంత్ అతిథి పాత్రలో పెదరాయుడు రూపొందింది. మూడు సినిమాలు ఫెయిలైన సమయంలో రజనీకాంత్ మోహన్‌బాబుకు ఆర్థికంగా సహాయపడిన విషయమూ గమనార్హం. ఈ సినిమా ప్రారంభోత్సవం మాత్రం ఎన్టీఆర్ చేతుల మీదుగా జరిగింది.