Paytm App : ఫిబ్రవరి 29 తర్వాత పే-టీఎం యాప్ పని చేయదా?

Paytm App : ఫిబ్రవరి 29 తర్వాత Paytm యాప్ వినియోగదారులు బ్యాలెన్స్‌కు ఎక్కువ డబ్బు జమ చేయలేరు. దీనికి కారణం కస్టమర్ ఖాతాలు, ప్రీపెయిడ్ సాధనాలు, వాలెట్లు, ఫాస్ట్‌ట్యాగ్‌లలో డిపాజిట్లు, క్రెడిట్ లావాదేవీలు లేదా టాప్-అప్‌ను నిలిపివేయాలని Paytm పేమెంట్స్ బ్యాంక్‌ని RBI ఆదేశించింది.  NCMC కార్డ్‌లు ఫిబ్రవరి 29, 2024 తర్వాత పని చేయవు.

‘పే-టీఎం చెల్లింపులు, ఆర్థిక సేవల వ్యాపారాన్ని విస్తరించింది. కానీ ఇతర బ్యాంకులతో భాగస్వామ్యంతో మాత్రమే ఉంటుంది. ఫిబ్రవరి 29 తర్వాత పే-టీఎం పేమెంట్స్ బ్యాంక్ తో కాదు’ అని పే-టీఎం వ్యవస్థాపకుడు, CEO విజయ్ శేఖర్ శర్మ తన బ్లాగ్ పోస్ట్‌లో స్పష్టం చేశారు. RBI నుంచి ఆదేశాలు పే-టీఎం పేమెంట్స్ బ్యాంక్ (PPBL) కోసం మరియు పే-టీఎం కోసం కాదని కంపెనీ తెలిపింది.

రిజర్వ్ బ్యాంక్ ఆఫ్ ఇండియా (RBI) జనవరి 31వ తేదీ బుధవారం రోజు ఏదైనా కస్టమర్ ఖాతాలు, ప్రీపెయిడ్ సాధనాలు, వాలెట్లు, ఫాస్ట్‌ట్యాగ్‌లు, NCMC కార్డ్‌లో డిపాజిట్లు, క్రెడిట్ లావాదేవీలు లేదా టాప్-అప్‌లను నిలిపివేయాలని పే-టీఎం పేమెంట్స్ బ్యాంక్‌ని ఆదేశించిన తర్వాత కంపెనీ నుంచి స్పష్టత వచ్చింది. ఫిబ్రవరి 29, 2024 తర్వాత, వడ్డీ, క్యాష్‌బ్యాక్ లేదా ఎప్పుడైనా క్రెడిట్ చేయబడే రీఫండ్‌లు కాకుండా నిలుపివేస్తామని తెలిపింది.

* Paytm UPI యాప్‌కి ఫిబ్రవరి 29, 2024 తర్వాత నేషనల్ పేమెంట్స్ కార్పొరేషన్ ఆఫ్ ఇండియా (NPCI), RBI రెండింటి  మార్గదర్శకత్వం అవసరం. దీని కోసం చర్చలు ప్రారంభమైనట్లు ప్రెసిడెంట్, సీఓఓ భవేష్ గుప్తా వెల్లడించారు.

* వినియోగదారులు ఫిబ్రవరి 29 తర్వాత తమ ప్రస్తుత బ్యాలెన్స్‌లకు ఎక్కువ డబ్బును జమ చేయలేరని తెలిపారు.

* Paytm మాతృ సంస్థ, One97 కమ్యూనికేషన్స్ లిమిటెడ్ (OCL), చెల్లింపు అగ్రిగేటర్‌గా, ఇప్పటికే చెల్లింపుల బ్యాంకులతో సహా అనేక ఇతర బ్యాంకులతో కలిసి పనిచేస్తుందని శర్మ చెప్పారు.

* వినియోగదారులు తమ Paytm ఫాస్ట్‌ట్యాగ్‌లో ఇప్పటికే ఉన్న బ్యాలెన్స్‌ని ఉపయోగించవచ్చు. ఎందుకంటే ఈ విషయాల్లో తదుపరి పరిణామాలపై తమ కస్టమర్లకు తెలియజేస్తామని కంపెనీ తెలిపింది.

* Paytm మనీ లిమిటెడ్ (PML)తో వినియోగదారుల పెట్టుబడులు లేదా ఈక్విటీ, మ్యూచువల్ ఫండ్స్ లేదా నేషనల్ పెన్షన్ సిస్టమ్ (NPS)లో పెట్టుబడులు ప్రభావితం కావు.

* Paytm యాప్ కేవలం PPBL మాత్రమే కాకుండా వివిధ బ్యాంక్‌ల సహకారంతో చాలా వరకు సేవలు అందించడం వలన అది పని చేస్తూనే ఉంటుంది. Paytm QR, Paytm సౌండ్‌బాక్స్ మరియు Paytm కార్డ్ మెషిన్ వంటి ఆఫ్‌లైన్ ఆఫర్‌లతో సహా కంపెనీ వ్యాపారి చెల్లింపు సేవలు యథావిధిగా పనిచేస్తాయని Paytm తన వినియోగదారులకు తన వివరణలలో వెల్లడించింది.