OG Movie : ఓజీ లో పవన్ క్యారెక్టర్.. వామ్మో మామూలుగా లేదుగా ఫ్యాన్స్ కు పండగే 

OG Movie in Pawan Kalyan : పవన్ కల్యాణ్ సినిమా కోసం ఆయన ప్రేక్షకులు చాలా రోజులుగా వేచి చూస్తున్నారు. మూడు సినిమాలు పెండింగ్ లో ఉండగా.. రాజకీయాల్లో బిజీగా ఉండి ఆ షూటింగ్ లకు రాలేకపోతున్నారు. ఓజీ, ఉస్తాద్ భగత్ సింగ్ చిత్రాలతో పాటు హరిహర వీరమల్లు కూడా పెండింగ్ లో ఉంది. ఆంధ్రప్రదేశ్ ఎన్నికల్లో విజయం సాధించిన తర్వాత పవన్ కల్యాణ్ డిప్యూటీ సీఎం హోదా దక్కించుకున్నారు.

 డిప్యూటీ సీఎం హోదాలో ఫుల్ బిజీగా గడుపుతున్నారు. తాజాగా ఆయన ఓజీ చిత్రంలో చేసే క్యారెక్టర్ గురించి బయట వార్తలు వినిపిస్తున్నాయి. ఓజీ సినిమాలో విడుదల చేసిన టీజర్ లుక్ లో పవన్ కల్యాణ్ ఖుషీ సినిమాలో గన్ పట్టుకుని విలన్ ను బెదిరించే సీన్ గుర్తుకు వచ్చేలా కనిపిస్తున్నాడు. ఓజీ సినిమాలో పవన్ కల్యాణ్ లుక్ ను తన స్థాయికి తగ్గట్లు ఉండేలా డైరెక్టర్ సుజిత్ ప్లాన్ చేస్తున్నట్లు సమాచారం. ముఖ్యంగా ఈ సినిమాలో మాఫియా డాన్ గా కనిపించనున్నాడని వార్తలు వినిపిస్తున్నాయి.

ఎక్కడో దాక్కుని ఉన్న వ్యక్తి మళ్లీ ముంబయికి వచ్చి తన సామ్రాజ్యాన్ని మళ్లీ విస్తరించేందుకు చేసే ప్రయత్నాలు కళ్లకు కట్టినట్లు సుజిత్ చూపించేందుకు ప్రయత్నిస్తున్నట్లు తెలుస్తోంది. ఇందులో పవన్ కల్యాణ్ పాత్రను మామూలు రేంజ్  లో కాకుండా బీభత్సమైన హైప్ క్రియేట్ చేసినట్లు సమాచారం. ఈ సినిమాలో పవన్ నట విశ్వ రూపం చూపించే అవకాశం ఉందని అతడి అభిమానులు ఊహించుకుంటున్నారు.

ఓజీ, హరిహర వీరమల్లు, ఉస్తాద్ భగత్ సింగ్ చిత్రాల్లో కొన్ని రోజులు యాక్ట్ చేసి ఆ తర్వాత పవర్ స్టార్  రాజకీయాల్లో బిజీ అయిపోయారు. మరికొద్ది రోజుల్లోనే ఈ సినిమాల షూటింగ్ లతో పాల్గొనేందుకు పవర్ స్టార్ రెడీ అయినట్లు  తెలుస్తోంది. దీంతో ఆయన ఫ్యాన్స్ సంబరాల్లో మునిగిపోయారు. వీరితో పాటు ఈ సినిమా ప్రొడ్యూసర్లు కూడా అమ్మయ్య అని ఊపిరి పీల్చుకుంటున్నట్లు ఫిల్మ్ ఇండస్ట్రీలో అనుకుంటున్నారు.