OG Release Date : పవన్ కళ్యాణ్ ‘ఓజీ’ విడుదల తేదీ ఖారారు.. పాపం ‘గేమ్ చేంజర్’ పరిస్థితి ఏమిటి?

Pawan Kalyan’s OG Release Date

OG Release Date : పవర్ స్టార్ పవన్ కళ్యాణ్ ప్రస్తుతం చేస్తున్న సినిమాలలో అభిమానులు, ప్రేక్షకులు ఎంతో ఆత్రుతతో ఎదురు చూస్తున్న చిత్రాలలో ఒకటి ‘ఓజీ’. పవన్ కళ్యాణ్ రీ ఎంట్రీ తర్వాత ఇండస్ట్రీ లో చాలా మార్పులు వచ్చాయి. స్టార్ హీరోలందరూ పాన్ ఇండియన్ సినిమాలు చెయ్యడానికి ఎక్కువగా ఆసక్తి చూపించారు. కానీ పవన్ కళ్యాణ్ మాత్రం వరుసగా రీమేక్ సినిమాలు చెయ్యడం ఫ్యాన్స్ కి పెద్ద తలనొప్పిగా మారింది.

కానీ తమ అభిమాన హీరో మీద విపరీతమైన అభిమానం ఉన్న కారణం చేత, ఈ మూడు సినిమాలను కమర్షియల్ గా వర్క్ అవుట్ అయ్యే రేంజ్ వసూళ్లను రప్పించారు. అభిమానుల కోరికలను దృష్టిలో తీసుకున్నాడో ఏమో తెలియదు కానీ, పవన్ కళ్యాణ్ ఇక నుండి పాన్ ఇండియన్ సినిమాలు చెయ్యడానికే ఎక్కువగా మొగ్గు చూపించబోతున్నాడని ‘ఓజీ’ సినిమాని ఒప్పుకున్నప్పుడే అందరికీ అర్థం అయ్యింది. ఈ సినిమాకి సంబంధించిన గ్లిమ్స్ వీడియో ని గత ఏడాది విడుదల చెయ్యగా దానికి ఫ్యాన్స్ నుండి అద్భుతమైన రెస్పాన్స్ వచ్చింది.

శరవేగంగా షూటింగ్ కార్యక్రమాలను జరుపుకుంటూ వచ్చిన ఈ సినిమా గత కొంత కాలం నుండి ఆగిపోయింది. పవన్ కళ్యాణ్ రాజకీయాల్లో బిజీ అవ్వడం వల్లే అందుకు కారణం. కానీ ఎన్నికలు పూర్తి అయిన వెంటనే ఈ సినిమాకి సంబంధించిన షూటింగ్ లో పాల్గొనబోతున్నారు పవన్ కళ్యాణ్. 70 శాతం కి పైగా షూటింగ్ పూర్తి అయ్యిందని, కేవలం పవన్ కళ్యాణ్ 20 రోజుల డేట్స్ ఇస్తే మిగిలిన షూటింగ్ కూడా పూర్తి అయిపోతుందని అంటున్నారు. సెప్టెంబర్ 27 వ తారీఖున ఈ చిత్రాన్ని ప్రపంచవ్యాప్తంగా తెలుగు, హిందీ  తమిళ భాషల్లో గ్రాండ్ గా విడుదల చెయ్యబోతున్నారు.

అయితే ఈ విడుదల తేదీ పట్ల రామ్ చరణ్ ఫ్యాన్స్ కాస్త అసహనం కి గురయ్యారు. కారణం రామ్ చరణ్ లేటెస్ట్ చిత్రం ‘గేమ్ చేంజర్’ ని కూడా ఇదే తేదీన విడుదల చేద్దాం అని అనుకున్నారు. కానీ వాళ్ళకంటే ముందుగా ఓజీ మేకర్స్ డేట్ ని లాక్ చేసుకోవడం తో ఇప్పటికైనా నిద్ర లేవండి అంటూ రామ్ చరణ్ ఫ్యాన్స్ శంకర్ ని, దిల్ రాజు ని ట్యాగ్ చేసి ట్విట్టర్ లో పెద్ద ఎత్తున నెగటివ్ ట్రెండ్ చేశారు. ఈ హ్యాష్ ట్యాగ్ రామ్ చరణ్ ఫ్యాన్స్ దెబ్బకి నేషనల్ వైడ్ గా ట్రెండ్ అయ్యింది.