Pawan Kalyan : పుష్ప 2 ప్రీ రిలీజ్ ఈవెంటుకు చీఫ్ గెస్ట్ గా పవన్ కళ్యాణ్

Pawan Kalyan : అల్లు అర్జున్‌ సుకుమార్‌ కాంబినేషన్‌లో వచ్చిన పుష్ప సినిమా ఎంతటి సంచలనం సృష్టించిందో ప్రత్యేకంగా చెప్పనవసరం లేదు. ఈ సినిమాకు సీక్వెల్‌గా పుష్ప-2ని రూపొందుతున్న సంగతి తెలిసిందే. ఈ సినిమా షూటింగ్ దాదాపు పూర్తయింది. ఆగస్ట్ నెలలో సినిమాను విడుదల చేస్తామని ప్రకటించినప్పటికీ షూటింగ్ పూర్తి కాకపోవడంతో సినిమా విడుదల తేదీని వాయిదా వేశారు. డిసెంబర్ 5న ఈ సినిమా ప్రపంచ వ్యాప్తంగా విడుదల కానుంది. ఈ సినిమాలో రష్మిక మందన హీరోయిన్‌గా నటిస్తున్న సంగతి తెలిసిందే. ఈ సినిమా నుండి ఇప్పటికే విడుదలైన కొన్ని పాటలు ప్రేక్షకుల్లో భారీ అంచనాలను పెంచేశాయి. ఈ పాటలు సోషల్ మీడియాలో వైరల్‌గా మారిన సంగతి తెలిసిందే. ఇదిలా ఉంటే ఈ సినిమా ప్రీ రిలీజ్ ఈవెంట్‌ని నిర్వహించేందుకు మేకర్స్ ప్లాన్ చేస్తున్నట్లు సమాచారం.

ఈ వేడుకకు ముఖ్య అతిథిగా ఆంధ్రప్రదేశ్ డిప్యూటీ సీఎం పవన్ కళ్యాణ్ రానున్నట్లు సమాచారం. ఈ విషయంపై ఇప్పటివరకు ఎలాంటి అధికారిక ప్రకటన వెలువడలేదు. అల్లు అర్జున్, మెగా ఫ్యామిలీల మధ్య గొడవలు జరుగుతున్నాయని కొన్ని రోజులుగా సోషల్ మీడియాలో జోరుగా ప్రచారం జరుగుతోంది. మరి ప్రీ రిలీజ్ ఈవెంట్ కి పవన్ కళ్యాణ్ వస్తాడా లేదా అనేది చూడాలి. ఈ ప్రీ రిలీజ్ ఈవెంట్ కు పవన్ కళ్యాణ్ వస్తే.. వారి కుటుంబాల మధ్య ఎలాంటి గొడవలు లేవని తేలిపోయింది. ఈ వేడుక కోసం అల్లు అర్జున్ అభిమానులు ఆసక్తిగా ఎదురుచూస్తున్నారు. మరి పుష్ప-2 ఎంతటి విజయం సాధిస్తుందో చూడాలి. ఇది ఇలా ఉండగా డిసెంబర్ 1న పుష్ప సినిమా ఫ్రీ రిలీజ్ ఈవెంట్ నిర్వహించే ఛాన్స్ ఉందని వార్తలు వస్తున్నాయి. ఆంధ్రప్రదేశ్ రాష్ట్రంలోని విజయవాడలో ఈ కార్యక్రమం జరగనుందని సమాచారం. అందుకే పవన్ కళ్యాణ్ వస్తాడని ప్రచారం జరుగుతోంది.