Star Director : గుర్తుపట్టకుండా మారిపోయిన పాన్ ఇండియా స్టార్ డైరెక్టర్!

Star Director

Star Director : తెలుగులో ఒక్క సినిమా, అదే సినిమాను హిందీలో తెరకెక్కించి రెండింటిని బ్లాక్ బస్టర్ గా నిలిపిన దర్శకుడు అతడు.. మొన్నటికి మొన్న హిందీలో ఓ సినిమా తీసి కలెక్షన్ల వర్షం కురిపించడమే కాదు ప్రతీ ఒక్కరూ ఆ సినిమా గురించే మాట్లాడుకునే చేశాడు.  తెలంగాణ నేలపై పుట్టి బాలీవుడ్ ను షేక్ చేస్తున్న మోస్ట్ టాలెంటెడ్ మాసీ డైరెక్టర్  సందీప్ రెడ్డి వంగా.

ఆయన దర్శకత్వంలో సినిమా వస్తుందంటే ఎన్ని రికార్డులు బద్దలు కొడుతుందా? స్టోరీ ఏ రేంజ్ లో ఉంటుంది? తమ హీరోను ఎలా చూపించాడు? యాక్షన్ సీన్స్ ఎంత క్రూయల్ గా ఉన్నాయి.? అనే చర్చ బాగా నడుస్తుంది. తీసినవి మూడు సినిమాలే(అర్జున్ రెడ్డి, కబీర్ సింగ్, యానిమల్) అయినా భారత్ లో ఆయన సినిమాలు సంచలనమే.

సినిమాలే కాదు సందీప్ రెడ్డి లుక్ కూడా డిఫరెంట్ గా ఉంటుంది. పెద్ద గడ్డం, పెద్ద జుట్టు, కాస్ట్యూమ్స్ తో ఎప్పుడు కనిపిస్తాడు. కానీ ఇటీవల ఆయన లుక్ మారిపోయింది. ఇప్పుడాయనను గుర్తుపట్టడం చాలా కష్టం.  అసలు ఈయన సందీప్ రెడ్డేనా డౌట్ రాక మానదు. యానిమల్ బ్లాక్ బస్టర్ హిట్ తర్వాత సందీప్ రెడ్డి  తాజాగా తిరుమల శ్రీవారిని దర్శించుకున్నారు. అక్కడ గుండు చేయించుకున్నారు. ఆయన గుండుతో ఉన్న ఫొటోలు ఇప్పుడు సోషల్ మీడియాలో ట్రెండింగ్ లో ఉన్నాయి. గుండుతో ఉన్న ఆయన ఫొటోలు  చాలా ఫన్నీగా ఉండడంతో అందరినీ ఆకర్షిస్తున్నాయి. వయలెంట్ డైరెక్టర్ ట్రెడిషీనల్ లుక్ అంటూ నెటిజన్లు కామెంట్స్ పెడుతున్నారు.