Oy Re-release : కొత్త సినిమాలను డామినేట్ చేస్తున్న ‘ఓయ్’ అడ్వాన్స్ బుకింగ్స్!

Hero Siddharth’s Oy Movie Advcanced Bookings

Oy Re-release Advcance Bookings : 2022 వ సంవత్సరం నుండి మన టాలీవుడ్ లో రీ రిలీజ్ మూవీస్ ట్రెండ్ ఏ రేంజ్ లో కొనసాగిందో ప్రత్యేకించి చెప్పనక్కర్లేదు. పవన్ కళ్యాణ్ జల్సా, మహేష్ బాబు పోకిరి సినిమాలు రీ రిలీజ్ అయ్యి సెన్సేషన్ సృష్టించేసరికి, ఇక అందరి హీరోల సినిమాలు వరుసగా రీ రిలీజ్ అవ్వడం ప్రారంభించాయి. కేవలం స్టార్ హీరోల సినిమాలు మాత్రమే కాకుండా, టీవీ టెలికాస్ట్ లో కల్ట్ క్లాసిక్ స్టేటస్ ని దక్కించుకున్న సినిమాలు రీ రిలీజ్ అయ్యినప్పుడు వసూళ్ల పరంగా సెన్సేషన్ సృష్టించాయి.

అందుకు ఉదాహరణ ‘ఈ నగరానికి ఏమైంది’ అనే చిత్రం. కేవలం ఆ సినిమా మాత్రమే కాదు, కొన్ని ఫ్లాప్ సినిమాలకు కూడా అద్భుతమైన రెస్పాన్స్ వచ్చింది. అలాంటి సినిమాలలో ఒకటి ‘ఆరెంజ్’. ఇప్పుడు ఆరెంజ్ లాగానే మరో క్లాసిక్ లవ్ స్టోరీ రీ రిలీజ్ అయ్యి వసూళ్ల వర్షం కురిపించాడు సిద్ధం గా ఉంది. ఆ సినిమా పేరే సిద్దార్థ్ హీరో గా నటించిన ‘ఓయ్’ చిత్రం.

ఫిబ్రవరి 14 వ తారీఖున ప్రేమికుల దినోత్సవం ని పురస్కరించుకొని ఈ సినిమాని గ్రాండ్ గా రీ రిలీజ్ చెయ్యబోతున్నారు. ఈ సినిమాకి సంబంధించిన అడ్వాన్స్ బుకింగ్స్ ఇటీవలే ప్రారంభించగా, వాటికి అద్భుతమైన రెస్పాన్స్ వచ్చింది. సిద్దార్థ్ తెలుగు లో సినిమాలు చేసి చాలా కాలం అయ్యింది. ఒకప్పుడు ఉన్న మార్కెట్ అయితే అతనికి ఇప్పుడు అసలు లేదు. ఆయన కొత్త సినిమాలు విడుదలైతే ఇలాంటి రెస్పాన్స్ వస్తుందా అంటే అనుమానమే. అలాంటిది ఆయన పాత సినిమాకి టికెట్స్ ఆన్లైన్ లో హాట్ కేక్స్ లాగ అమ్ముడుపోతున్నాయంటే ఈ సినిమాకి యూత్ ఆడియన్స్ లో ఎంతటి ఫాలోయింగ్ ఉందో అర్థం చేసుకోవచ్చు.

అనేక సార్లు టీవీ టెలికాస్ట్ జరిగినప్పుడు ఈ సినిమాకి మంచి రెస్పాన్స్ వచ్చింది.  ముఖ్యంగా పాటలు అయితే ఇప్పటికీ మన ప్లే లిస్ట్ లో ఉంటుంది. అంత పాపులర్ సినిమా కాబట్టే ఆ రేంజ్ అడ్వాన్స్ బుకింగ్స్ జరుగుతున్నాయి. విచిత్రం ఏమిటంటే రీసెంట్ గా విడుదలైన కొత్త సినిమాలకు కూడా ఈ రేంజ్ ట్రెండ్ లేదు. అడ్వాన్స్ బుకింగ్స్ ద్వారానే 30 లక్షలకు పైగా గ్రాస్ వసూళ్లను రాబట్టిన ఈ చిత్రం ఫుల్ రన్ లో ఎంత రాబడుతుందో చూడాలి.