Mahesh Babu : ‘మా మహేష్ బాబు దేవుడు’.. సోషల్ మీడియాలో అభిమానుల పోస్ట్ లు

Mahesh Babu

Mahesh Babu : టాలీవుడ్ సూపర్ స్టార్ మహేష్ బాబు దాతృత్వం గురించి ప్రత్యేకంగా చెప్పక్కర్లేదు. గుండె బాధిత చిన్నారులకు సర్జరీ చేయించేందుకు సొంతంగా ఓ ఫౌండేషన్ ఏర్పాటు చేశాడు.  ఎంతో మంది నిరుపేద చిన్నారులకు ఉచితంగా గుండె ఆపరేషన్లు చేయిస్తున్నాడు సూపర్ స్టార్ మహేష్ బాబు. ఆ చిన్నారుల ప్రాణాలు నిలబెట్టి వారి తల్లిదండ్రుల కళ్లల్లో ఆనందాన్ని నింపుతున్నాడు. ఇక సొంత ఊరిని  దత్తత తీసుకొని అభివృద్ధి చేయిస్తున్న విషయం తెలిసిందే. ఇలా ఎన్నో మంచి కార్యక్రమాలతో రియల్ హీరోగా పేరు తెచ్చుకుంటున్నాడు సూపర్ స్టార్ మహేష్ బాబు. తాజాగా మరో మంచి పని చేసి మహేశ్ బాబు అభిమానుల హృదయాలను మరింత దోచుకున్నాడు.

 సూపర్ స్టార్ మహేష్ బాబు తెరపైనే కాదు..  తెర వెనుక కూడా హీరోనే.  వరుస సినిమాలు, యాడ్స్ ద్వారా వచ్చే తన సంపాదనలో ఎక్కువ భాగం సామాజిక సేవా కార్యక్రమాలకే వెచ్చిస్తుంటాడీ సూపర్ స్టార్. పేద పిల్లల కోసమే ఓ ఫౌండేషన్ ఏర్పాటు చేసి ఉచితంగా గుండె ఆపరేషన్లు చేయిస్తూ, వారి తల్లిదండ్రుల్లో ఆనందాలను నింపుతున్నాడు. సినిమాల్లో కనిపించే దాతృత్వాన్ని రియల్ గాను చేసి చూపిస్తున్నాడు.  

అభిమాని కుటుంబం దత్తత
సూపర్ స్టార్ మహేష్ బాబు తాజాగా మరో మంచి పని చేశాడు. . తన అభిమాని ఆర్థిక సమస్యలతో ఇబ్బందులు పడుతున్న విషయం తెలుసుకున్న మహేష్ బాబు ఆ అభిమాని కుటుంబాన్ని దత్తత తీసుకున్నాడు. తనే కాదు తన మనసూ బంగారమేనని మరోసారి నిరూపించుకున్నాడు సూపర్ స్టార్.  ఏపీలోని కృష్ణా జిల్లా పెద ప్రోలుకు చెందిన రాజేష్ మహేశ్ బాబుకు,  దివంగత సూపర్ స్టార్ కృష్ణకు హార్డ్ కోర్ ఫ్యాన్.  అయితే అతను కొంత కాలంగా  తీవ్ర అనారోగ్య సమస్యలతో బాధపడుతున్నాడు. రాజేష్ మంచానికే పరిమితం కావడంతో అతని మీదే ఆధారపడిన ఆ కుటుంబం ఒక్కసారిగా రోడ్డున పడింది.

రాజేష్ కు ముగ్గురు కొడుకులు ఉన్నారు.  రాజేష్ తన అభిమాన హీరో మహేష్ మీద ప్రేమతో తన పిల్లలకు అర్జున్, అతిథి, ఆగడు తన అభిమాన హీరో సినిమాల పేర్లు పెట్టుకున్నాడు. వీరిలో పెద్ద కుమారుడు అర్జున్ స్థానికంగా ఉండే చెప్పుల దుకాణంలో పని చేస్తూ ఖర్చులకి సంపాదిస్తున్నాడు.  అవి కుటుంబం గడవడానికి ఏమాత్రం సరిపోవడం లేదు. ఈ విషయం సోషల్ మీడియా ద్వారా మహేష్ బాబుకు తెలిసింది. స్పందించిన మహేష్ బాబు వెంటనే రాజేష్ కుటుంబానికి అండగా నిలవాలని భావించాడు. రాజేష్  ముగ్గురు పిల్లలను దత్తత తీసుకున్నాడు. వారికి చదువుతో పాటు అన్నీ సదుపాయాలు కల్పించేందుకు నిర్ణయం తీసుకున్నాడు. సంగీత దర్శకుడు థమన్ మహేశ్ చేసిన మంచి పనిపై ప్రశంసలు కురిపించారు. ఇక అభిమానులు, నెటిజన్లు కూడా మా మహేష్ దేవుడంటూ నెట్టింట పోస్టులు షేర్ చేస్తున్నారు. మహేష్ బాబు లాగే ఇతర హీరోలు కూడా తమ వంతుగా సాయం చేసేందుకు ముందుకు రావాలని కోరుతున్నారు.