OTT : సీజన్ 4కు సిద్ధం అవుతున్న ఓటీటీ ఫెవరెట్ షో..

OTT News : అమెజాన్ ప్రైమ్ వీడియోలో టెలీకాస్ట్ అయ్యే పంచాయత్ షోకు ఒక వర్గం అభిమానులు ఉన్నారనడంలో ఎలాంటి సందేహం లేదు. అందుకే మూడు సీజన్లు విజయవంతంగా అలరించింది. 2020 లో ఫస్ట్ సీజన్ ప్రీమియర్ తర్వాత భిన్నమైన అభిమానులను సంపాదించుకొని దూసుకుపోయింది. తొలి మూడు సీజన్లు విజయవంతం కావడంతో నాలుగో సీజన్ తో ఈ సిరీస్ త్వరలోనే ప్రేక్షకుల ముందుకు రాబోతోంది.

తాజా సమాచారం ప్రకారం.. సీజన్ 4 కోసం టీవీఎఫ్ ఇటీవల స్క్రిప్ట్ లాక్ చేసిందని, అక్టోబర్ 25 నుంచి చిత్రీకరణ ప్రారంభం కానుందని తెలుస్తోంది. ఈ వార్తను ఒక వర్గం ధ్రువీకరించింది. ప్రధాన తారాగణం వారి వారి పాత్రలను తిరిగి పోషించేందుకు తిరిగి వస్తారని తెలిపారు. దర్శకుడు దీపక్ కుమార్ మిశ్రా ఈ ఏడాది మేలో కొత్త సీజన్ ప్లాన్ చేస్తున్నామని. ప్రస్తుతం స్క్రిప్ట్ రైటింగ్ వర్క్ జరుగుతోందని చెప్పారు. రాబోయే భాగం కోసం ఇప్పటికే 3 నుంచి 4 ఎపిసోడ్లు రాశామని, ఇది అభిమానుల్లో ఉత్సాహాన్ని నింపిందని పేర్కొన్నారు.

మరోపక్క మిగతా మూడింటి కంటే కొత్త సీజన్ ను మరింత ఎగ్జయిటింగ్ గా తీసుకువచ్చేందుకు మేకర్స్ దృష్టి పెడుతున్నట్లు సమాచారం. దీనికి కారణం మొత్తం షో సక్సెస్ కావడం, ఫ్యామిలీ ఆడియన్స్ పై అది మిగిల్చిన ప్రభావం అని చిత్రవర్గాలు తెలిపాయి. పంచాయితీ మూడో సీజన్ ఒక కొండపై బ్రిజ్ భూషణ్ దూబేను కాల్చి హాస్పిటల్ లో చేర్చడంతో ముగిసింది. అభిషేక్, ప్రధాన్ సన్నిహితులు అందరూ ఈ కేసులో ఎమ్మెల్యే చంద్రకిశోర్ సింగ్ ప్రమేయం ఉందని నమ్ముతున్నప్పటికీ, మిస్టరీ ఇంకా తేలలేదు. ఈ మిస్టరీని కంటిన్యూ చేస్తూ సీజన్ 4 రాబోతోందని తెలుస్తుంది.