Ooru Peru Bhairavakona impressive trailer
Ooru Peru Bhairavakona Trailer : ప్రస్తుతం మన టాలీవుడ్ లో థ్రిల్లర్ సినిమాల హవా బాగా నడుటుస్తుంది. మామూలు కమర్షియల్ సినిమాలకంటే కూడా ఇలాంటి థ్రిల్లర్ జానర్ సినిమాలు ఇచ్చే థియేట్రికల్ అనుభవం అద్భుతం అనే చెప్పాలి. గత ఏడాది సాయి ధరమ్ తేజ్ హీరో గా నటించిన ‘విరూపాక్ష’ చిత్రం కూడా ఇలాంటి జానర్ నుండి వచ్చినదే. ఈ సినిమాకి ఫ్యాన్స్ మరియు ఆడియన్స్ నుండి ఏ రేంజ్ రెస్పాన్స్ వచ్చిందో ప్రత్యేకించి చెప్పనక్కర్లేదు.
సుమారుగా 45 కోట్ల రూపాయిల షేర్ వసూళ్లను రాబట్టింది ఈ సినిమా. ఇప్పుడు మళ్ళీ అదే తరహా థ్రిల్లింగ్ జానర్ లో సందీప్ కిషన్ హీరో గా నటించిన చిత్రమ్ ‘ఊరి చివర భైరవ కోన’. కెరీర్ లో ‘విశాఖ ఎక్స్ ప్రెస్’ సినిమా మినహా ఒక్కటంటే ఒక్క బ్లాక్ బస్టర్ హిట్ కూడా లేని సందీప్ కిషన్ కి ఈ సినిమా సక్సెస్ అవ్వడం చాలా కీలకం. రీసెంట్ గా విడుదలైన ట్రైలర్ ని చూస్తుంటే కచ్చితంగా సూపర్ హిట్ అవుతుందనే అనిపిస్తుంది.
యూట్యూబ్ లో షార్ట్ ఫిలిమ్స్ ద్వారా బాగా పాపులారిటీ ని సంపాదించిన వర్ష బొల్లమ్మ ఈ సినిమాలో ఒక హీరోయిన్ గా కనిపించింది. ట్రైలర్ ప్రారంభం లో వీళ్లిద్దరి మధ్య ఉన్న లవ్ ట్రాక్ ని ప్రధానంగా చూపించాడు డైరెక్టర్. ట్రైలర్ చివర్లో ఈమె ఫైట్ చెయ్యడం కూడా అందరినీ ఆశ్చర్యానికి గురి చేసింది. ఇక ఈ సినిమా ట్రైలర్ లోని డైలాగ్స్ కూడా చాలా బాగున్నాయి. దైవ ఆదీనం లో లేనిదే ఖర్మ సిద్ధాంతం అంటూ చెప్పిన డైలాగ్ ప్రేక్షకులను బాగా ఆకట్టుకుంది. ఇక ఈ సినిమాలో మరో హీరోయిన్ గా కావ్య థాపర్ నటిస్తుంది.
అయితే ఈ ట్రైలర్ చూస్తున్నంతసేపు మనకి విరూపాక్ష సినిమాని మళ్ళీ చూస్తున్నట్టుగానే అనిపించింది. అక్కడ ఊర్లో ఏ సమస్య వచ్చిన శాసన గ్రంధం ని చూసే వారు. ఇక్కడ మాత్రం ‘గరుడ పురాణం’ లో మిస్ అయిన నాలుగు పేజీల చుట్టూ సినిమా తిరగబోతుంది అనే విషయం అర్థం అవుతుంది. కెరీర్ లో అతి తక్కువ సక్సెస్ రేట్ తో మార్కెట్ మొత్తం పూర్తిగా కోల్పోయే స్థితిలో ఉన్న సందీప్ కిషన్ కి ఈ సినిమా కెరీర్ కి బాగా ప్లస్ అవుతుంది అని అనిపిస్తుంది. మరి కెరీర్ కి ప్లస్ అవుతుందా రాలేదా అనేది చూడాలి.
