Rashmika mandanna:క‌న్న‌డ చిత్రం `కిరిక్ పార్టీ`తో తొలి హిట్‌ని త‌న ఖాతాలో వేసుకున్న రష్మిక మంద‌న్న `ఛ‌లో` సినిమాతో టాలీవుడ్ బాటప‌ట్టిన విస‌యం తెలిసిందే. ఈ సినిమా కూడా సూప‌ర్ హిట్ కావ‌డంతో టాలీవుడ్ వ‌ర్గాల్లో రష్మిక హాట్ ఫేవ‌రేట్‌గా మారింది. ఈ సినిమా త‌రువాత వరుస క్రేజీ ఆఫ‌ర్ల‌ని ద‌క్కించుకుంటూ బ్లాక్ బ‌స్ట‌ర్‌ల‌ని త‌న ఖాతాలో వేసుకుంటూ క్రేజీ హీరోయిన్ అనిపించుకుంది. విజ‌య్ దేవ‌ర‌కొండ `గీత గోవిందం` నుంచి ఐకాన్ స్టార్ అల్లు అర్జున్‌తో చేసిన సినిమాలు బాక్సాఫీస్ వ‌ద్ద బ్లాక్ బ‌స్ట‌ర్స్‌గా నిలిచాయి.
దీంతో రష్మిక పేరు టాలీవుడ్‌లో మారు మోగిపోయింది. ఇదే స‌మ‌యంలో బాలీవుడ్‌లో క్రేజీ ఆఫ‌ర్ల‌ని ద‌క్కించుకుంటూ అక్క‌డ కూడా పాగా వేస్తోంది. రీసెంట్‌గా సంచ‌ల‌న చిత్రం `యానిమ‌ల్‌`తో ప్రేక్ష‌కుల ముందుకొచ్చింది. ర‌ణ్‌బీర్ క‌పూర్ హీరోగా న‌టించిన ఈ మూవీని `అర్జున్ రెడ్డి` ఫేమ్ సందీప్‌రెడ్డి వంగ తెర‌కెక్కించారు. డిసెంబ‌ర్ 1న పాన్ ఇండియా సినిమాగా విడుద‌లై సంచ‌ల‌న విజ‌యాన్ని సొంతం చేసుకుంది.
బాక్సాఫీస్ వ‌ద్ద ఇప్ప‌టి వ‌ర‌కు రూ.770 కోట్ల‌కు మించి వ‌సూళ్ల‌ని రాబ‌ట్టి ర‌ణ్ బీర్ క‌పూర్ కెరీర్‌లోనే స‌రికొత్త రికార్డు సృష్టించింది. ఇలా వ‌రుస‌గా బ్లాక్ బ‌స్ట‌ర్‌ల‌ని ద‌క్కించుకుంటూ కెరీర్‌లో దూసుకుపోతున్న రష్మిక మంద‌న్న‌కు కొత్త స‌మ‌స్య‌లు వ‌చ్చిప‌డుతున్నాయి. నెల రోజుల క్రితం ర‌ష్మిక‌కు సంబంధించిన డీప్ ఫేక్ వీడియో నెట్టింట వైర‌ల్ కావ‌డం తెలిసిందే. జారా ప‌టేల్ అనే యువ‌తికి సంబంధించిన వీడియోని మార్ఫింగ్ చేసి రష్మిక వీడియోని వైర‌ల్ చేయ‌డంతో ఈ సంఘ‌ట‌న‌పై సినీ, రాజ‌కీయ ప్ర‌ముఖులు, అభిమానులు ఆగ్ర‌హాన్ని వ్య‌క్త్ చేసి ఆమెకు మ‌ద్ద‌తుగా నిలిచారు.
ఈ సంఘ‌ట‌న మ‌ర‌వ‌క‌ముందే తాజాగా మ‌రో డీప్ ఫేక్ ఫొటో నెట్టింట హ‌ల్ చ‌ల్ చేయ‌డం రష్మిక అభిమానుల్ని, సెల‌బ్రిటీల‌ని షాక్‌కు గురి చేస్తోంది. డీప్ ఫేక్ వీడియోని మించి తాజా ఫేక్ ఫొటో ఉండ‌టంతో రష్మిక అభిమానులు మండిప‌డుతున్నారు. వరుస విజ‌యాల‌తో క్రేజీ హీరోయిన్‌గా దూసుకుపోతున్న రష్మిక మంద‌న్న‌పై ఇలాంటి డీప్ ఫేక్ వీడియోలు, ఫొటోలు వైర‌ల్ కావ‌డం చాలా బాధాక‌ర‌మ‌ని, ర‌ష్మిక‌నే ఎందుకు టార్గెట్ చేస్తున్నారో అర్థం కావ‌డం లేద‌ని అభిమానులు వాపోతున్నారు. ప్ర‌స్తుతం రష్మిక మంద‌న్న `పుష్ప 2`, `రెయిన్ బో`, `ది గ‌ర్ల్ ఫ్రెండ్ సినిమాల్లో నటిస్తోంది.