Poonam tweet : మరోసారి పూనమ్ ట్వీట్ వైరల్

Poonam tweet

Poonam Tweet : టాలీవుడ్ స్టార్ హీరోయిన్ పూనమ్ కౌర్ ఏపీ రాజకీయాలపై తరచూ ప్రశ్నలు సందిస్తు్న్న విషయం తెలిసిందే. టాలీవుడ్ టాప్ హీరో పవర్ స్టార్ పవన్ కల్యాణ్, తో డైరెక్టర్ త్రివిక్రమ్ శ్రీనివాస్ పై ఇన్ డైరెక్టుగా సెటైర్లు వేస్తుంటారు.  తన అభిప్రాయాలను ట్వి్ట్టర్ లో పోస్ట్ చేస్తుంటారు.

సామాజిక, రాజకీయ, అంశాల మీద ఎలాంటి భయం లేకుండా పోస్ట్ లు పెడుతూ హాట్ టాపిక్ గా నిలుస్తుంటారు.  తమ అభిమాన హీరో పవన్  కల్యాన్ ను టార్గెట్ చేస్తున్నదని ఆయన అభిమానులు సోషల్ మీడియాలో పూనమ్ పై పలు సందర్భాల్లో ట్రోల్ చేశారు. ఆమె వ్యక్తిత్వాన్ని కించపరిచారు. ఇలా ఎన్నోసార్లు అవమానాలకు గురైన పూనమ్ ఎప్పుడూ వెనకడుగు వేయలేదు. ట్రోల్స్ కు భయపడలేదు. తన ఆత్మవిశ్వాసాన్ని కోల్పోలేదు.

అయితే ఆమె చేసే ట్వీట్లు మాత్రం హీరో పవన్ కల్యాన్, డైరెక్టర్ త్రివిక్రమ్ ను టార్గట్ చేస్తున్నట్లు ఉన్నాయని పలువురు పేర్కొంటున్నారు. ఈ ట్వీట్లు చూస్తుంటే వారి మధ్య ఏదో జరిగి ఉంటుందని పలువురు అనుమానాలు వ్యక్తం చేస్తున్నారు.  అయితే పవన్, త్రివిక్రమ్ కాంబినేషన్  లో ఓ సినిమాకు అగ్రిమెంట్ అయ్యాక పూనమ్ ను పక్కన పెట్టినట్లు సమాచారం. అయితే ఆ సినిమా కోసం పూనమ్ మిగతా సినిమాలు వదులుకొని ఆర్థికంగా, వృత్తిపరంగా తీవ్రంగా నష్టపోయిందని ఓ దశలో ఆత్మహత్యకు యత్నించిందనే రూమర్లు ఉన్నాయి. దీనంతటికి వారిద్దరే కారణమని, అందుకే వారిని టార్గెట్ చేస్తూ ఇండైరెక్టుగా ట్వీట్లు చేస్తుంటారని టాలీవుడ్ టాక్.

ప్రస్తుతం  పూనమ్ కౌర్ చేసిన ట్వీట్ రాజకీయవర్గాల్లో  చర్చనీయాంశంగా మారింది. పార్లమెంట్ ఎన్నికల సమయంలో రాష్ట్రంలో పొలిటికల్ హీట్ వేసవిని మించుతున్నది. ఈ సమయంలో ఆమె ఏపీకి సంబంధించి ఆసక్తికర పోస్ట్ చేయడం చర్చకు దారి తీసింది. ‘ఆంధ్రప్రదేశ్ మరో కొత్త ఉత్తరప్రదేశ్’ అని చేసిన ట్వీట్ పై మిశ్రమ స్పందన వస్తున్నది.  ఈ ట్వీట్ పై నెటిజన్లు పలు రకాలుగా స్పందిస్తున్నారు. యూపీకి రాజధాని ఉంది.. ఏపీకి లేదంటూ కొందరు.. ‘ఏపీలోనూ వలసలు పెరుగుతున్నాయని చెప్పడమే పూనమ్ కౌర్ ఉద్దేశమా అని మరికొందరు కామెంట్స్ చేస్తుండడంతో ఈ అంశం రాజకీయ వర్గాల్లో జోరుగా చర్చ సాగుతున్నది.