Huge Terrorist Base : బయట నుంచి కప్ బోర్డ్ లా కనిపిస్దూ.. లోపల ఏర్పాటు చేసీన భారీ ఉగ్ర స్థావరం బయటపడింది. ఇటీవల జమ్మూకశ్మీర్ లోని కుల్గామ్ ప్రాంతంలో రెండు ఎన్ కౌంటర్లు జరిగాయి. ఈ నేపథ్యంలోనే అక్కడ ఆసక్తికరమైన విషయాలు వెలుగులోకి వచ్చాయి. ఉగ్రవాదుల తెలివి చూసి.. ఆర్మీసైతం ఆశ్చర్యం వ్యక్తం చేసింది. బయట నుంచి కప్ బోర్డులో కనిపిస్తూ లోపల మాత్రం పెద్ద ఉగ్ర స్థావరం ఏర్పాటు చేసుకున్నట్లు అధికారులు గుర్తించారు.
ఓ ఇంట్లో ఉన్న కప్ బోర్డ్ లోపల ఉగ్రవాదులు పూర్తిగా కాంక్రీట్ తో బంకరు నిర్మించినట్లు సైనికాధికారులు తెలిపారు. దీనిలోకి వెళ్లడానికి బయట నుంచి చిన్న అల్మారా వంటి దానిలో ద్వారం ఏర్పాటు చేశారు. దీనికి సంబంధించిన వీడియోను కాంగ్రెస్ నేత ఒకరు ఎక్స్ లో పోస్టు చేశారు. కొన్నేళ్ళ క్రితం ఉగ్రవాదులు మరుగుదొడ్ల కింద బంకర్లు ఏర్పాట చేసుకుంటున్నట్లు సైన్యం గుర్తించింది. 2019లో లస్సీపుర వద్ద సైన్యం ఒక ఇంటిని అనుమానంతో ఆరుసార్లు తనిఖీ చేసినా ఏ ఆధారం లభించలేదు. చివరికి సెప్టిక్ ట్యాంక్ ను తెరవగా, ఇద్దరు ఉగ్రవాదులు అందులోని బంకర్ లో దాక్కున్నట్లు గుర్తించారు.