Kanguva
Kanguva : కోలీవుడ్ టాప్ హీరో సూర్య తొలిసారి పాన్ ఇండియా స్థాయిలో చేసిన సినిమా కంగువా. భారీ బడ్జెట్ తో పీరియాడికల్ డ్రామాతో తెరకెక్కిన ఈ సినిమా ప్రపంచ వ్యాప్తంగా 11వేల థియేటర్లలో విడుదలైంది. కోలీవుడ్ నుంచి రజినీకాంత్ తర్వాత తెలుగులో మంచి మార్కెట్ ఉన్న హీరో సూర్య. గజినీ సినిమాతో సూర్యకు తెలుగులోనూ భారీ మార్కెట్ ఏర్పడింది. గజినీ తర్వాత చేసిన సినిమాలన్నీ తమిళంతో పాటు తెలుగులోనూ విడుదలవుతూ వస్తున్నాయి.
గజినీ తర్వాత వచ్చిన ఎన్నో సినిమాలు తెలుగులోనూ హిట్టయ్యాయి. సింగం సినిమా తమిళంతో పాటు తెలుగులోనూ మంచి వసూళ్లను సాధించింది. అప్పటి నుంచి సూర్య ప్రతీ సినిమాను తమిళంతో పాటు తెలుగు ప్రేక్షకులకు కూడా రీచ్ అయ్యేలా తెరకెక్కిస్తున్నారు.
తాజాగా విడుదలైన కంగువా మాత్రం సూర్య ఆశలకు గండికొట్టింది. పాన్ ఇండియా స్థాయిలో సినిమా తీస్తే విడుదలైన మూడో రోజు నుంచే వసూళ్లు దారుణంగా పడిపోతున్నాయి. రూ. 150 కోట్లతో ఈ సినిమాను తీస్తే ఇప్పటి వరకు వసూలు చేసింది కేవలం 26 కోట్లు మాత్రమే. ఈ లెక్కన చూస్తే లాంగ్ రన్ లో కనీసం మూడో వంతు కూడా వసూలు చేసేలా కనిపించడం లేదు. మొత్తంగా ఈ సినిమా 60 కోట్లు మించి వసూలు చేయడం కష్టమే అంటున్నారు ట్రేడ్ పండితులు