Kashiviswanath temple : ఉత్తరప్రదేశ్ వారణాసిలో కాశీవిశ్వనాథుడు, అన్నపూర్ణ ఆలయాల్లో అన్నకూట్ మహోత్సవాన్ని ఘనంగా నిర్వహించారు. ఈ వేడుకల్లో భాగంగా ఆలయాల్లో ఎన్నడూ చూడనన్ని స్వీట్లు, లడ్డూలు, రుచికరమైన వంటకాలు సహా 56 రకాల నైవేద్యాలను శివుడు, అన్నపూర్ణాదేవికి సమర్పించారు. అన్నపూర్ణ ఆలయంలో 511 క్వింటాళ్లు, విశ్వేశ్వరుని గుడిలో 14 క్వింటాళ్ల నైవేద్యాన్ని సమర్పించారు. అనంతరం భక్తులకు ఈ ప్రసాదాన్ని పంచారు.
ఈ సందర్భంగా ఆలయంలో ఒక్కో గోడను 21 క్వింటాళ్ల లడ్డూలతో అలంకరించారు. మాతా ఆలయ అలంకరణలో 8 క్వింటాళ్ల లడ్డూను ఉపయోగించారు. అలాగే కాశీ విశ్వనాథుడి గుడిలో 8 క్వింటాళ్ల లడ్డూలను ఉపయోగించి ఆలయాన్ని అందంగా తీర్చిదిద్దారు. ఈ సందర్భంగా ఆలయ ప్రాంగణం మొత్తాన్ని రంగుల పూలమాలలతో అలంకరించారు.