Numaish:తెలుగు రాష్ట్రాల్లోనే అతిపెద్ద ఎగ్జిబిషన్ అయిన నుమాయిష్ త్వరలో ప్రారంభంకాబోతోంది. న్యూయర్ రోజు జనవరి 1 నుంచి మొదలుకానుంది. ‘నుమాయిష్’ 83వ సీజన్‌కు అధికారులు ఏర్పాట్లు చేస్తున్నారు. జనవరి 1, 2024 నుండి ఫిబ్రవరి 15, 2024 వరకు ఉంటుంది. 46 రోజుల పాటు జరిగే నుమాయిష్ కు దేశవ్యాప్తంగా వ్యాపారులకు వేదికగా మారనుంది. ఎనిమిది దశాబ్దాలకు పైగా నుమాయిష్ వార్షిక ఈవెంట్‌గా జరుగుతోంది. ఈ సందర్భంగా ఆల్ ఇండియా ఇండస్ట్రియల్ ఎగ్జిబిషన్ సొసైటీ వైస్ ప్రెసిడెంట్ వనం సత్యేందర్ మాట్లాడారు.
నుమాయిష్‌ను గ్రాండ్‌గా నిర్వహించడానికి AIIE సొసైటీ సన్నద్ధమవుతోంది. ఈ ఏడాది సొసైటీకి దేశం నలుమూలల నుంచి వ్యాపారుల నుంచి 3,500కు పైగా దరఖాస్తులు వచ్చాయి. అయితే 2,500లకు పైగా స్టాళ్లను వ్యాపారులకు కేటాయించారు. స్టాల్స్‌లో వివిధ వాణిజ్య, పారిశ్రామిక ఉత్పత్తులు, వివిధ రాష్ట్రాల నుండి బట్టలు, కళలు మరియు చేతిపనుల విక్రయాలు, చేనేత, ఆహార దుకాణాలు, వివిధ సాంస్కృతిక కార్యక్రమాలు ఉంటాయని ఆయన తెలిపారు.