NTR Donation : వీరభద్ర స్వామి ఆలయానికి ఎన్టీఆర్ రూ.12.5 లక్షల విరాళం – శిలా ఫలకం చూస్తే కానీ తెలియలేదు

NTR Donation

NTR Donation : జూనియర్ ఎన్టీఆర్ మరోసారి తన గొప్ప మనసు చాటుకున్నారు. ఆంధ్రప్రదేశ్ లోని ఓ ఆలయ నిర్మాణం కోసం ఎన్టీఆర్ విరాళం ఇచ్చినట్లు తెలుస్తోంది. అయితే ఈ విషయం ఇప్పటి వరకూ బయటికి రాలేదు. మే 20న జూ.ఎన్టీఆర్ పుట్టిన రోజు కావడంతో ఇప్పటి నుంచే ఫ్యాన్స్ హంగామా మొదలు పెట్టేశారు. అయితే, ఎన్టీఆర్ కు సంబంధించిన ఓ న్యూస్ కూడా సోషల్ మీడియాలో వైరలవుతోంది, ఎన్టీఆర్ తాజాగా ఓ ఆలయానికి భారీ విరాళం ఇచ్చారంటూ అభిమానులు పోస్టులు పెడుతున్నారు.

తూర్పు గోదావరి జిల్లాలోని జగ్గన్నపేటలోని భద్రకాళి సమేత వీరభద్ర స్వామి ఆలయ నిర్మాణానికి ఎన్టీఆర్ విరాళం ఇచ్చినట్లు తెలుస్తోంది. ఈ ఆలయ నిర్మాణం కోసం ఎన్టీఆర్ రూ.12 లక్షల 50 వేలు విరాళం ఇచ్చారు. ఈ మేరకు గుడి బయట దాతల పేర్లను శిలా ఫలకంపై రాయించారు. అందులో ఎన్టీఆర్, భార్య లక్ష్మీ ప్రణతి, కుమారులు అభయ్ రామ్చ భార్గవ్ రామ్, ఎన్టీఆర్ తల్లి షాలిని పేర్లు రాశారు. ఈ శిలా ఫలకం ఫొటోలు, వీడియోలు ప్రస్తుతం వైరలవుతున్నాయి.