NTR-Prasanth Neel : ప్రస్తుతం ఇండియా లో ఉన్న పెద్ద పెద్ద సూపర్ స్టార్స్ అందరూ కూడా ఈ డైరెక్టర్ తో కచ్చితంగా పని చెయ్యాలని అభిమానులు కోరుకుంటూ ఉంటారు. అలాంటి డైరెక్టర్స్ లో ఒకడు ప్రశాంత్ నీల్. కన్నడ సినీ పరిశ్రమకు చెందిన ఈ క్రేజీ డైరెక్టర్ కేజీఎఫ్ సిరీస్ తో సృష్టించిన ప్రభంజనం సాధారణమైనది కాదు. పాన్ ఇండియన్ సినిమా బాక్స్ ఆఫీస్ రికార్డ్స్ ని బద్దలు కొట్టడమే కాకుండా, ఇండియా సినిమా మొత్తం కన్నడ సినీ పరిశ్రమ వైపు చూసేలా చేసింది ఆ సిరీస్.
అలాంటి హిట్ తర్వాత రీసెంట్ గా ఆయన ప్రభాస్ తో ‘సలార్’ చిత్రం ద్వారా మన ముందుకు వచ్చాడు. ఈ సినిమా కూడా ఎంత పెద్ద హిట్ అయ్యిందో మనమంతా చూసాము. నిన్న మొన్నటి వరకు థియేటర్స్ లో రన్ అయిన ఈ చిత్రం, నిన్ననే ఓటీటీలో విడుదల అయ్యింది. ఈ సినిమా తర్వాత ప్రశాంత్ నీల్ జూనియర్ ఎన్టీఆర్ తో ఒక సినిమా చెయ్యబోతున్నాడు అనే విషయం తెలిసిందే.
అయితే ఈ ప్రాజెక్ట్ ని ప్రస్తుతానికి ప్రశాంత్ నీల్ పక్కన పెట్టినట్టు తెలుస్తుంది. ఈ సినిమా కంటే ముందుగా ఆయన ‘సలార్ 2 ‘ షూటింగ్ ని పూర్తి చెయ్యాలనే ఆలోచనలో ఉన్నాడట. ఏప్రిల్ లేదా మే నెల నుండి ఈ సినిమా రెగ్యులర్ షూటింగ్ ప్రారంభం అయ్యే అవకాశం ఉందని అంటున్నారు. త్వరలోనే దీనికి సంబంధించిన అధికారిక ప్రకటన కూడా రాబోతుంది అట. ఎన్టీఆర్ ఫ్యాన్స్ ఈ కాంబినేషన్ కోసం ఎంతో ఆతృతగా ఎదురు చూస్తున్న సంగతి తెలిసిందే. ఎన్టీఆర్ కి సంబంధించిన ఫస్ట్ లుక్ పోస్టర్ ని కూడా విడుదల చేసారు. అయితే ఈ సినిమా సలార్ 2 పూర్తి అయ్యే వరకు సెట్స్ పైకి వెళ్లే అవకాశం లేనట్టు తెలుస్తుంది. ప్రస్తుతం ఎన్టీఆర్ కొరటాల శివ తో దేవర చిత్రం తీస్తున్నాడు.
ఈ సినిమా కూడా రెండు భాగాల్లో తెరకెక్కుతుంది. దేవర పార్ట్ 1 పూర్తి అవ్వగానే, హ్రితిక్ రోషన్ తో కలిసి వార్ 2 మూవీ షూటింగ్ లో పాల్గొనబోతున్నాడు. ఈ సినిమా అయిపోగానే మళ్ళీ ఆయన దేవర పార్ట్ 2 షూటింగ్ లో జాయిన్ అవుతాడు. ప్రశాంత్ నీల్ ఆ సలార్ 2 షూటింగ్ ని పూర్తి చేసేలోపే ఎన్టీఆర్ తాను కమిట్ అయ్యిన ఈ రెండు సినిమాలను పూర్తి చేసేస్తాడు. ఆ తర్వాత వీళ్ళ కాంబినేషన్ ని ఆశించవచ్చు అని ట్రేడ్ పండితులు అంటున్నారు.