PM Modi : ఎన్టీఆర్ ఎంతో దార్శనికత గల నాయకుడు: పీఎం మోదీ

PM Modi

PM Modi : దివంగత మాజీ ముఖ్యమంత్రి ఎన్టీఆర్ ఎంతో దార్శనికత గల నాయకుడని ప్రధాని నరేంద్ర మోదీ పేర్కొన్నారు. ఎన్టీఆర్ 101వ జయంతి సందర్భంగా ఆయన ఎక్స్ (ట్విటర్) వేదికగా స్మరించుకున్నారు. ఎన్టీఆర్ జయంతి సందర్బంగా ఆ మహనీయుణ్ణి స్మరించుకుంటున్నాం అంటూ పేర్కొన్న మోడీ తెలుగు సినీ రంగంలో విశిష్ట నటుడైన ఆయన ఎంతో దార్శనికత గల నాయకుడు అని కొనియాడారు. సినీ రాజకీయ రంగాలకు ఆయన చేసిన సేవలు తరతరాలకు స్ఫూర్తినిస్తూనే ఉంటాయన్నారు. ఆయన కలలు కన్న సమాజం కోసం మేము నిరంతరం పని చేస్తామని ప్రధాని నరేంద్ర మోదీ తెలుగులో ట్వీట్ చేశారు.

టీడీపీ నాయకులు ఆంధ్రప్రదేశ్ రాష్ట్రంలోని అన్ని జిల్లాలలోనూ ఎన్టీఆర్ జయంతి వేడుకలను ఘనంగా నిర్వహిస్తున్నారు. ఈ మేరకు టీడీపీ తన అధికారిక ఎక్స్ ఖాతాలో పోస్టు చేసింది. సినీ పరిశ్రమలో కథానాయకుడిగా ఎదురులేని మనిషి.. రాజకీయాల్లో ప్రజానాయకునిగా తిరుగులేని మనషి.. వెరసి ఎన్టీఆర్ అంటే ఒకే జీవితంలో రెండు చరిత్రలు సృష్టించిన అద్వితీయ చరితుడు.. యుగపురుషుడు అని ఎక్స్ లో పేర్కొంది.