JrNtr:జ‌క్క‌న్న అత్యంత ప్ర‌తిష్టాత్మ‌కంగా తెర‌కెక్కించిన పాన్ ఇండియా వండ‌ర్ `ఆర్ఆర్ఆర్‌`. ఈ సినిమాలో కొమురం భీంగా న‌టించి కోట్లాది మంది ప్రేక్ష‌క హృద‌యాల్ని కొల్ల‌గొట్టిన హీరో యంగ్ టైగ‌ర్ ఎన్టీఆర్. అంత‌ర్జాతీయ స్థాయిలో తిరుగులేని గుర్తింపుని సొంతం చేసుకున్న ఎన్టీఆర్ తాజాగా అరుదైన ఘ‌న‌త‌ను సాధించారు. 2023లో ఆసియా టాప్ 50లో నిలిచిన న‌టుల జాబితాను ఏషియ‌న్ వీక్లీ మ్యాగ‌జైన్ తాజాగా ప్ర‌క‌టించింది. అంతులో ఎన్టీఆర్ స్థానం ద‌క్కించుకున్నారు.
`ఈస్ట‌ర్న్ ఐ 2023` పేరిట ఈ జాబితాను వెల్ల‌డించ‌గా, ఇందులో ఎన్టీఆర్ 25వ స్థానంలో నిలిచారు. ఈ జాబితాలో తెలుగు సినిమా ఇండ‌స్ట్రీ నుంచి స్థానాన్ని ద‌క్కించుకున్న ఒకే ఒక్క‌డు ఎన్టీఆర్ కావ‌డం విశేషం. ఇక ఈ లిస్ట్‌లో బాలీవుడ్ కింగ్ ఖాన్ షారుక్ ఖాన్ మొద‌టి స్థానంలో నిల‌వ‌గా, ప‌లువురు బాలీవుడ్ న‌టులు త‌దుప‌రి స్థానాల్లో చోటు ద‌క్కించుకున్నారు. మ‌రో వైపు అమెరికన్ మ్యాగ‌జైన్ `వెరైటీ` ప్ర‌క‌టించిన 500 మంది ప్ర‌భావ‌శీలుర జాబితాలో ఎన్టీఆర్, రాజ‌మౌళి చోటు ద‌క్కించుకున్నారు.
ఇదిలా ఉంటే యంగ్ టైగ‌ర్ ఎన్టీఆర్ ప్ర‌స్తుతం పాన్ ఇండియా మూవీ `దేవ‌ర`లో న‌టిస్తున్న విష‌యం తెలిసిందే. స్టార్ డైరెక్ట‌ర్ కొర‌టాల శివ అత్యంత భారీ స్థాయిలో ఈ సినిమాని తెర‌కెక్కిస్తున్నారు. బాలీవుడ్ న‌టుడు సైఫ్ అలీఖాన్ ప‌వ‌ర్ ఫుల్ విల‌న్‌గా న‌టిస్తున్న ఈ సినిమా ద్వ‌రా జాన్వీ క‌పూర్ టాలీవుడ్‌కు హీరోయిన్‌గా ఎంట్రీ ఇస్తోంది. రెండు భాగాలుగా రానున్న ఈ మూవీ మొద‌టి భాగం వ‌చ్చే ఏడాది ఏప్రిల్ 5న ప్ర‌పంచ వ్యాప్తంగా ప్రేక్ష‌కుల ముందుకు రానుంది.
