NRI’s car rally : డా. జై గారి ఆధ్వర్యంలో ఎన్నారైల ‘విజయ’ నినాదం

tdp

NRI’s car rally in New Jersey : ఎన్నారైలు కదం తొక్కారు.. జైస్వరాజ్య వరల్డ్ టీవీ మరియు జైఎస్.డబ్ల్యూ టీవీ, యూబ్లడ్ వారి ఆధ్వర్యంలో న్యూజెర్సీ ఎడిసన్ లో 300 మంది ఎన్నారైలు జైస్వరాజ్య వరల్డ్ టీవీ హెడ్ క్వార్టర్స్ నుంచి జాన్సన్ పార్క్ వరకూ ఎన్డీఏ, టీడీపీ, జనసేన, బీజేపీ    విజయోత్సవ ర్యాలీ నిర్వహించారు. ఇందులో 300 మంది ఎన్నారైలు ఎన్నో పనులు ఉన్నా..వృత్తిరీత్యా ఎంతో బిజీగా ఉన్నా కూడా తమ విలువైన సమయాన్ని కేటాయించి మోడీ, చంద్రబాబు, పవన్ కళ్యాన్ ల విజయాన్నిర్యాలీగా సంబరంగా జరిపారు.  ఈ విజయోత్సవ ర్యాలీని యూబ్లడ్ ఫౌండర్ జై, డాక్టర్ జగదీష్ బాబు యలమంచిలి గారి ఆధ్వర్యంలో  విజయవంతంగా నిర్వహించారు. అమెరికాలో బడా పారిశ్రామికవేత్తలు, తెలుగు ఎన్నారైలు తమ విలువైన సమయాన్ని వెచ్చించి లక్షలు ఖర్చు చేస్తూ ఈ ర్యాలీలో పాల్గొనడం విశేషం. ఈ సందర్భంగా ఎన్నారైలతో కలిసి జై గారు విజయ సంకేతం చూపించి ర్యాలీలో ఉత్సాహ పరిచారు.

ఏపీలో టీడీపీ కూటమి ఘన విజయం సాధించడం పై దేశవిదేశాల్లో తెలుగు తమ్ముళ్ల సంబరాలు ఇంకా కొనసాగుతూనే ఉన్నాయి. అమెరికాలోనైతే ఈ సంబరాలు పీక్స్ లో జరుగుతున్నాయి. జగన్ రెడ్డి అరాచక పాలనను అంతమొందించిన సందర్భంగా అమెరికా ఎన్ఆర్ఐలు గత నాలుగు రోజులుగా సంబరాలు జరుపుకుంటూనే ఉన్నారు.

న్యూజెర్సీ ఎడిసన్ సిటీలోని జాన్సన్ పార్క్ లో యూబ్లడ్ ఫౌండర్ జై, డాక్టర్ జగదీశ్ బాబు యలమంచిలి గారి ఆధ్వర్యంలో టీడీపీ, జనసేన కార్యకర్తలు ఎన్డీఏ విక్టరీ సెలబ్రేషన్స్ ను ఘనంగా జరుపుకున్నారు. ఈ సందర్భంగా ఎన్డీఏ విక్టరీ కార్ ర్యాలీ తీశారు. దీనికి న్యూజెర్సీలో స్థిరపడిన వందలాది టీడీపీ, జనసేన అభిమానులు హాజరయ్యారు. ర్యాలీలో జై టీడీపీ…. జైజై చంద్రబాబు… జై జనసేన…జై జై పవన్ కల్యాణ్ అంటూ పెద్దఎత్తున నినాదాలతో హోరెత్తించారు.

ర్యాలీ అనంతరం యూబ్లడ్ ఫౌండర్ జై, డాక్టర్ జగదీశ్ బాబు యలమంచిలి గారు భారీ కేక్ ను కట్ చేశారు. ఆయన మాట్లాడుతూ..జగన్ రెడ్డి పాలన అంతమవుతుందని తాను ఆరు నెలలు ముందుగానే చెప్పానన్నారు. ఏపీ భవిష్యత్ కు చంద్రబాబు, భారత్ భవిష్యత్ కు మోదీ అవసరమని ప్రజలు మరోసారి గుర్తించారన్నారు. టీడీపీ కూటమి ఘన విజయంలో మూడు పార్టీలకు చెందిన నేతలు, నాయకులు, కార్యకర్తలు..ఇలా అందరి విశేష కృషి ఉందన్నారు. అలాగే మన ఎన్ఆర్ఐల పాత్ర విశేషంగా ఉందన్నారు.

కాగా, వేడుకలను చూస్తే ఆంధ్రాలో ఉన్నామా? అమెరికాలో ఉన్నామా? అనిపించడం ఖాయం. చంద్రబాబు మరోసారి సీఎం అవుతుండడంతో ప్రతీ ఒక్కరి కళ్లలో ఆనందం కనిపిస్తోంది. టీడీపీ కూటమి ఘన విజయం సాధించడం, కేంద్రంలో చంద్రబాబు మరోసారి కింగ్ మేకర్ గా అవతరించడంతో ఏపీకి మంచి రోజులు వచ్చాయని ఎన్ఆర్ఐలు హర్షం వ్యక్తం చేస్తున్నారు.

ఈ కార్యక్రమంలో జగదీష్ యలమంచిలి గారు, దేవినేని లక్ష్మీ, రవి కొల్లి, రమేష్ రాయల, ఎన్నారై టీడీపీ లీడర్స్ శ్రీహరి మందాడి, రామకృష్ణ వాసిరెడ్డి, రాధాకృష్ణ నల్లమల్ల , జనసేన ఎన్నారై లీడర్స్ వెంకట్ సుధ, గోపీ గుర్రం, బీజేపీ ఎన్నారై లీడర్స్ రవి అంబటి తదతరులు పాల్గొన్నారు.