Jakkana : సినిమాల్లోనే కాదు.. అక్కడా జక్కన్నదే రికార్డు
ఇండియన్ ఫిలిం ఇండస్ర్టీ కలెక్షన్ల రికార్డుల్లో టాప్ 10 చిత్రాల్లో మూడు సినిమాలు రాజమౌళివే కావడం విశేషం. ఇప్పటి వరకు రాజమౌళి రికార్డును ఎవరూ బ్రేక్ చేయలేదు. అదీ సౌత్ హీరోలతోనే ఈ రేంజ్ కలెక్షన్లు సాధించడం మరో విశేషం. బాలీవుడ్ స్టార్ డైరెక్టర్లకు సాధ్యం కానీ ఫీట్లను రాజమౌళి చేసి చూపించాడు. రాజమౌళి ఇప్పటి దాకా గత మూడు చిత్రాలు పాన్ ఇండియా స్థాయిలోనే తీసిన రాబోయే సినిమా మాత్రం అంతర్జాతీయ స్థాయిలో ఉంటుందనే టాక్ వినిపిస్తున్నది. సూపర్ స్టార్ మహేష్ బాబు తో చేయబోయే సినిమా హాలీవుడ్ కు ధీటుగా అడ్వెంచర్ థ్రిల్లర్ గా తెరకెక్కించబోతున్నట్లు తెలుస్తున్నది.
ఇప్పటి వరకు సినిమాల్లో ఎన్నో రికార్డులు బ్రేక్ చేసి, సరికొత్త రికార్డులను క్రియేట్ చేసిన రాజమౌళి మరో రికార్డు సృష్టిస్తున్నాడు. ఇటీవల రాజమౌళి సినిమాలకి యూట్యూబ్ లో మంచి వ్యూస్ వస్తున్నాయి. అలాగే పలు సినిమాల ఈవెంట్లు, ఇంటర్వ్యూలు, పలు సందర్భాల్లో రాజమౌళి ఇస్తున్న స్పీచ్ లకు విపరీతమై వ్యూస్ వస్తున్నాయి. కేవలం రాజమౌళి అనే అనే బ్రాండ్ ఇప్పుడు దేశ వ్యాప్తంగా సంచలనంగా మారుతున్నది. స్టార్ హీరోలకు ధీటుగా రాజమౌళి పాపులారిటీ పెరిగిపోతున్నది. రాజమౌళి ఎక్కడ కనిపించినా అభిమానుల చుట్టూ ముట్టేస్తున్నారు. స్టార్ హీరోలకు మించి స్టార్ డమ్ రాజమౌళికి అప్లయ్ అవుతున్నది. నార్త్, సౌత్ అనే తేడా లేకుండా ప్రతీ నటుడు రాజమౌళి సినిమాలో ఒక్క చిన్న రోల్ వచ్చినా చాలని అనుకుంటున్నారు.