Nora Fatehi
Nora Fatehi : తెలుగులో రానున్న మోస్ట్ ఇంట్రస్టింగ్ సినిమాల్లో అల్లు అర్జున్ ‘పుష్ప: ది రూల్’ ఒకటి. ‘పుష్ప: ది రైజ్’కు సీక్వెల్ గా రానున్న ఈ మూవీ కోసం సినీ అభిమానులతో పాటు, ఐకాన్ స్టార్ ఫ్యాన్స్ కూడా ఈగల్ గా వేయిట్ చేస్తున్నాయి. ప్రస్తుతం ఈ సినిమా షూటింగ్ వేగంగా కొనసాగుతోంది. పుష్ప: ది రైజ్ ఐకాన్ స్టార్ అల్లు అర్జున్ కు జాతీయ స్థాయిలో ఉత్తమ నటుడు అవార్డును తెచ్చిపెట్టింది. దీంతో ది రూల్ పై ఎక్కువగా ఫోకస్ పెట్టాడు అల్లు అర్జున్. అందుకే షూటింగ్ లో ప్రతీ చిన్న విషయాన్ని కూడా ఆయన పట్టించుకుంటున్నారని తెలుస్తోంది.
కొన్ని రోజులుగా పుష్ప2 షూటింగ్ కు సంబంధించి ఫొటోలు, పలు విషయాలు సోషల్ మీడియలో ఎక్కువగా ట్రెండింగ్ లో ఉంటున్నాయి. గతంలో లారీలన్నీ ఒక్క చోటుకు మోహరించిన వీడియో బయటకు లీకైంది. ఇది చూసి పుష్పలో క్లైమాక్స్ కోసం తీసుకువచ్చారంటూ కామెంట్లు పెట్టారు. కానీ దీనిపై చిత్ర యూనిట్ ఎలాంటి ప్రకటన చేయలేదు. దీంతో పాటు షూటింగ్ కు సంబంధించి డైరెక్టర్ సుకుమార్, అల్లు అర్జున్ వర్కింగ్ స్టిల్స్ అప్పుడప్పుడూ ప్రొడక్షన్ హౌజ్ ట్విటర్ ఖాతాలో షేర్ అవుతూనే ఉంటాయి.
ఇక అసలు విషయానికి వస్తే పుష్ప: ది రైజ్ లో ఒక ఐటెం సాంగ్ ఉంది. అది దేశ వ్యాప్తంగా విపరీతమైన ఆదరణను దక్కించుకుంది. సమంత చేసిన ‘ఊ.. అంటావా మామ ఊఊ అంటావా మామ’ సాంగ్ ఒక ఊపు ఊపింది. ఇప్పుడు సీక్వెల్ లో కూడా అలాంటి ఓ క్యాచి ఐటెం ఉంది. అయితే దీని కోసం బాలీవుడ్ నటి నోరా ఫతేహిని సంప్రదించినట్లు తెలుస్తోంది. ఈ పాట కంపోజింగ్ కూడా పూర్తయిందని తెలుస్తోంది.
దేవిశ్రీ మ్యూజిక్ ఇవ్వగా, చంద్రబోస్ లిరిక్స్ రాశాడు. ‘ఊ.. అంటావా మామ’ కంటే ఎక్కువ ఎక్కువ వైరల్ అయ్యేలా పాట ట్యూన్ ఉంటుందని తెలుస్తోంది. కొరియోగ్రఫీలో కూడా చాలా జాగ్రత్తలు తీసుకుంటురన్నారట. డాన్స్ లో వైరల్ మూమెంట్స్ ఉండేలా ప్లాన్ చేస్తున్నారు. త్వరలోనే పాటను చిత్రీకరించనున్నారు.