Janasena
Janasena Nominated posts : ఏపీలో నామినేటెడ్ పదవుల భర్తీ మొదలైంది. నాలుగు నెలలుగా ఊరిస్తున్న పదవుల భర్తీ ఎట్టకేలకు చేపట్టారు. పవన్ కళ్యాణ్ సూచనల మేరకు కొణిదెల నాగబాబుకు టీటీడీ చైర్మన్ గా అవకాశం రాబోతున్నట్లు తెలుస్తోంది. జనసేన కష్టనష్టాల్లో తమ్ముడికి అండగా ఉన్న నాగబాబుకు ఆ పదవి కట్టబెట్టాలని చూస్తున్నట్లు సమాచారం. అనకాపల్లి ఎంపీగా పోటీ చేస్తారని ప్రచారం జరిగింది. పొత్తులో భాగంగా బీజేపీకి చెందిన సీఎం రమేశ్ కు ఆ సీటు కేటాయించాల్సి వచ్చింది. టీటీడీ చైర్మన్ పదవికి కొందరు మీడియా సంస్థల ప్రతినిధులు, బడా పారిశ్రామిక వేత్తల పేర్లు వినిపించాయి. కానీ కూటమి విజయంలో కీలకంగా నిలిచిన నాగబాబుకు టీటీడీ చైర్మన్ పదవి కట్టబెట్టినట్లు తెలుస్తోంది. గుంటూరు అర్భన్ డెవలప్ మెంట్ చైర్మన్ గా బోనబోయిన శ్రీనివాస యాదవ్, గాదె వెంకటేశ్వరరావుకు టీటీడీ బోర్డు మెంబర్ గా అవకాశం ఇవ్వనున్నట్లు తెలుస్తోంది.
నెల్లూరు అర్భన్ డెవలప్ మెంట్ చైర్మన్ గా అలహరి సుధాకర్, ఏపి గ్రనైడ్ బ్యుటిఫికేషన్ కార్పొరేషన్ చైర్మన్ గా బండ్రెడ్డి రామకృష్ణ , వైశ్య కార్పొరేషన్ చైర్మన్ గా దుగ్గుశెట్టి సుజయ్ బాబు పేరు వినిపిస్తుంది. రుడా చైర్మన్ గా గంటా స్వరూప, కాపు కార్పొరేషన్ చైర్మన్ గా అమ్మిశెట్టి వాసు, దుర్గగుడి చైర్మన్ గా బూడిద శంకర్, మహిళా కమీషన్ చైర్మన్ గా కన్నా రజినీ, సపనేట్ చైర్మన్ గా దాసరి కిరణ్, తిరుపతి(tuda)చైర్మన్ గా డాక్టర్ పసుపులేటి హరి ప్రసాద్, టీటీడీ బోర్డు మెంబర్ గా కిరణ్ రాహుల్, ఏపీ సివిల్ సప్లైస్ చైర్మన్ గా వేగుల లీలా కృష్ణ, ఏపీఎండీసీ చైర్మన్ గా పంచకర్ల సందీప్, సీడ్ డెవలప్ మెంట్ కమిటీ చైర్మన్ గా బండారు శ్రీనివాస రావు నామినేటెడ్ పదవులో 25శాతం జనసేనకు దక్కినట్లు సమాచారం. ఈ లిస్ట్ రేపు విడుదల అయ్యే అవకాశం ఉంది.