No permission for Guntur Karaam
Pallavi Prashanth : గడిచిన అన్నీ బిగ్ బాస్ తెలుగు సీజన్స్ లో రీసెంట్ గా జరిగిన సీజన్ 7 పెద్ద బ్లాక్ బస్టర్ హిట్ అని, టీఆర్ఫీ రేటింగ్స్ అదిరిపోయాయని స్టార్ మా ఛానల్ అధికారికంగా ప్రకటించిన సంగతి అందరికీ తెలిసిందే. ఈ సీజన్ టైటిల్ విన్నర్ గా పల్లవి ప్రశాంత్ నిలబడగా, రన్నర్ గా అమర్ దీప్ నిలిచాడు. అయితే గ్రాండ్ ఫినాలే రోజు జరిగిన కొన్ని అవాంఛనీయ సంఘటనలు ఎలాంటి కలకలం రేపిందో మన అందరికీ తెలిసిందే.
పల్లవి ప్రశాంత్ అభిమానులు అనే ముసుగులో కొంతమంది ఆకతాయిలు చేసిన రచ్చకి బిగ్ బాస్ కంటెస్టెంట్స్ అందరూ బెదిరిపోయారు. అంతే కాకుండా ఆరోజు వద్దు అని చెప్పినా కూడా ప్రశాంత్ ర్యాలీ చెయ్యడం వల్లే ఈ సంఘటనలు చోటు చేసుకున్నాయని, పోలీసులు అతనిపై సుమోటాగా కేసు నమోదు చేసి అరెస్ట్ చేసారు. ఇప్పుడు ఆయన బెయిల్ మీదనే బయట తిరుగుతున్నాడు.
ఇదంతా పక్కన పెడితే ఆరోజు జరిగిన ఈ గొడవ ఇప్పుడు సినిమాల ప్రీ రిలీజ్ ఫంక్షన్స్ మీద కూడా పడుతుంది. మరో 5 రోజుల్లో సూపర్ స్టార్ మహేష్ బాబు హీరో గా నటించిన ‘గుంటూరు కారం’ చిత్రం విడుదల అవుతుంది. ఈ సినిమాకి సంబంధించిన ప్రీ రిలీజ్ ఈవెంట్ ని నిన్న యూసఫ్ గూడా పెరేడ్ గ్రౌండ్స్ లో గ్రాండ్ గా ప్లాన్ చేసింది మూవీ టీం. అయితే పోలీసులు మాత్రం ఇక్కడ ప్రీ రిలీజ్ ఈవెంట్ ని జరుపుకునేందుకు అనుమతిని ఇవ్వలేదు. కారణం బిగ్ బాస్ గ్రాండ్ ఫినాలే రోజు జరిగిన కొన్ని సంఘటనలే అని అంటున్నారు. ఆరోజు అన్నపూర్ణ స్టూడియోస్ నుండి యూసఫ్ గూడ వరకు జరిగిన రచ్చ, శాంతి భద్రతలకు విఘాతం కలిగించింది.
పల్లవి ప్రశాంత్ ప్రశాంత్ కే అంత రచ్చ జరిగితే, ఇక మహేష్ బాబు కి ఏ రేంజ్ లో ఉంటుందో!..క్రౌడ్ ని కంట్రోల్ చేసే పరిస్థితులు లేవు, మళ్ళీ అలాంటి సంఘటనలు చోటు చేసుకోకూడదు అనే ఉద్దేశ్యం తోనే యూసఫ్ గూడాలో అనుమతిని ఇవ్వడం లేదని మూవీ టీం కి చెప్పారట. దీంతో ఈ సినిమా ప్రీ రిలీజ్ ఈవెంట్ ని కైతలపూర్ కి షిఫ్ట్ చేసారు. జనవరి 9 వ తారీఖున ఈ ఈవెంట్ జరగబోతుంది. ఇకపోతే నేడు ఈ సినిమాకి సంబంధించిన థియేట్రికల్ ట్రైలర్ విడుదల కాబోతుంది. సమయం ఎప్పుడు ఏమిటి అనేది నిర్మాతలు చెప్పలేదు.