Pekamedalu Hero : ప్రమోషన్ కు డబ్బులు లేవు.. ప్లీజ్ సాయం చేయండి.. పేకమేడలు హీరో..

Pekamedalu Hero Vinoth Kishan

Pekamedalu Hero : సినిమా ఒక రంగుల ప్రపంచం. నటులుగా తమకంటూ గుర్తింపు తెచ్చుకోవాలని చాలా మంది తహ తహలాడుతుంటారు. అందం, టాలెంట్ ఉన్నా అదృష్టం లేకపోతే గుర్తింపు కష్టమే. మరికొందరు వెండితెరపై స్టార్ డమ్ అందుకున్నా దానిని నిలబెట్టుకోవడంలో విఫలమవుతుంటారు. ఇప్పుడిప్పుడే కొత్త నటులు ఆఫర్స్ అందుకుంటూ తమ టాలెంను నిరూపించుకుంటున్నారు. మరికొందరు తమకు ఎలాంటి అవకాశం వస్తుందో అంటూ ఆశగా ఎదురు చూస్తుంటారు.

ఇండస్ట్రీలో గుర్తింపు రావాలంటే కష్టాలు పడడం, అవమానాలు ఎదుర్కోవడం సాధారణమే. ముఖ్యంగా ఆర్థిక సమస్యలను అధిగమించి నిలబడాల్సిందే. ఇప్పుడు అదే కష్టం ఓ కుర్ర హీరోకు వచ్చింది. ఇన్నాళ్లు సూపర్ హిట్ చిత్రాల్లో నెగిటివ్ రోల్స్ చేసి అలరించిన కుర్రాడు ఇప్పుడు హీరోగా మారేందుకు రెడీ అవుతున్నాడు. కథానాయకుడిగా ఒక సినిమా చేశాడు. కానీ ఆ చిత్రాన్ని జనాల్లోకి తీసుకెళ్లేందుకు మాత్రం డబ్బులు లేవని.., ప్రమోషన్స్ కోసం సాయం చేయాలని  ప్రేక్షకులను అడుగుతున్నాడు. అతడే వినోద్ కిషన్.

వినోద్ కిషన్.. కార్తి నటించిన ‘నా పేరు శివ’, ‘గ్యాంగ్స్ ఆఫ్ గోదావరి’ వంటి చిత్రాల్లో నెగిటివ్ రోల్స్ లో మెప్పించాడు. ఇప్పుడు హీరోగా తన అదృష్టాన్ని పరీక్షించుకునేందుకు రెడీ అవుతున్నాడు. పేకమేడలు అనే సినిమాలో నటించారు. ఇప్పుడు ఈ మూవీ విడుదలకు సిద్ధమైంది. ప్రమోషన్స్ చేసేందుకు డబ్బులు లేవని.. సాయం చేయాలంటూ ప్రేక్షకులను వేడుకుంటున్నాడు. దీనికి సంబంధించి యూట్యూబ్ లో ఒక వీడియో రిలీజ్ చేశాడు.

ఆయన మాట్లాడుతూ ‘తెలుగులో ‘పేక మేడల’తో మీ ముందుకు వచ్చాను. ఇందులో లక్ష్మణ్ అనే ఇంట్రెస్టింగ్ క్యారెక్టర్. మూవీ బాగా వచ్చింది. రిజల్ట్ పట్ల కాన్ఫిడెంట్ గా ఉన్నా. మూవీ ప్రమోషన్స్ కోసం డబ్బు కావాలి. 5 రూపాయలు, పది రూపాయలు ఎంతైనా సరే QR కోడ్ కు పంపించండి. ప్లీజ్ హెల్ప్ నచేయండి.. ఖచ్చితంగా సినిమా హిట్ అవుతుంది. తర్వాత మీరు పంపిన దానికి వడ్డీని కూడా చెల్లిస్తా’ అంటున్నాడు.

అయితే, ఇదంతా ఒక ప్రమోషన్ స్టంట్ అంటున్నారు నెటిజన్లు. ఆ క్యూఆర్ కోడ్ స్కాన్ చేస్తే ఓ వీడియో లింక్ వస్తుంది. దానిపై క్లిక్ చేస్తే సినిమాకు సంబంధించిన ప్రమోషనల్ వీడియో ఓపెన్ అవుతుంది. ఇది ముమ్మటికీ సినిమా ప్రమోసషన్ మాత్రమే అని తెలుస్తోంది.