Nivetha Pethuraj : పోలీసులపై నివేదా పేతురాజ్ దురుసు ప్రవర్తన.. కారు డిక్కీలో ఏదో దాగుంది

Nivetha Pethuraj

Nivetha Pethuraj : నివేదా పేతురాజ్ తెలుగు సినిమాల్లో చాలా లక్కీ గర్ల్ గా  పేరు తెచ్చుకుంది.  దక్షిణాదిలో ఎన్నో సినిమాలు చేసి మంచి గుర్తింపు పొందింది.  అల వైకుంఠ పురం, దాస్ కా దమ్కీ, రెడ్ లాంటి సినిమాల్లో నటించి మెప్పించింది.  2016 సంవత్సరంలో తమిళ మూవీ ఓరు నాల్ కొట్టు మూవీతో తెరంగ్రేటం చేసింది.

2017 లో మెంటల్ మదిలో అనే తెలుగు సినిమాతో టాలీవుడ్ లో అడుగుపెట్టింది. చిత్రలహరి, బ్రోచెవారెవరురా అనే మూవీస్ లో మెయిన్ రోల్ పోషించింది. కానీ ఆమెకు ఆశించిన స్థాయిలో ఆఫర్లు రావడం లేదు. ఈ ముద్దుగుమ్మ పాగల్, దాస్ కా దమ్కీ అనే మూవీస్ లో మెయిన్  హిరోయిన్ గా నటించింది .ఈ రెండు మూవీల్లో కూడా విశ్వక్ సేన్ కు జోడిగా యాక్ట్ చేసింది. ప్రజెంట్ ఈ ముద్దుగుమ్మ అమ్మడు అనే తమిళ మూవీ చేస్తోంది.

అయితే నివేదా పేతురాజ్ వెళుతున్న కారును పోలీసులు ఆపారు. ఎలక్షన్ కోడ్ ఉన్నందును కారు డిక్కీని ఓపెన్ చేయాలని పోలీసులు కోరగా దానికి ఆమె నిరాకరించింది. కారు డిక్కీలో ఏముందో తెలియదు కానీ పోలీసులతో వాగ్వాదానికి దిగింది. ఇది నా పరువుకు సంబంధించిన అంశం. నేను కారు డిక్కి ఎందుకు ఓపెన్ చేయాలని ప్రశ్నించింది. అంతే కాదు వీడియో రికార్డు చేస్తున్న పోలీసులను అడ్డుకుంది.

ఇదంతా ఎక్కడ జరిగింది. ఎప్పుడు జరిగిందనేది క్లారిటీ లేదు. కొంతమంది ఇది సినిమా ప్రమోషన్ లో భాగంగా చేసిన వీడియో అని అంటున్నారు. మరి కొంతమంది నిజంగానే పోలీసులు ఆపారని కానీ నివేదా వారితో దురుసుగా మాట్లాడి కావాలనే లేని తల నొప్పులు కొని తెచ్చుకుందని చెబుతున్నారు. సెలబ్రెటీలు అయినా ఎవరైనా కచ్చితంగా ఎలక్షన్ కోడ్ రూల్స్ పాటించాల్సిందే. కానీ నివేదా మాత్రం ఇలా చేయకుండా ఉంటే బాగుండేదని ఆమె ఫ్యాన్స్ అభిప్రాయపడుతున్నారు.