Salaar Fever:పాన్ ఇండియా స్టార్ ప్రభాస్ అభిమానులు, సినీ ల‌వ‌ర్స్ అత్యంత ఆస‌క్తిగా ఎదురు చూస్తున్నహై వోల్టేజ్ యాక్ష‌న్ ఎంట‌ర్ టైన‌ర్ `సలార్: పార్ట్ 1 సీజ్ ఫైర్‌`. మ‌రో ఆరు రోజుల్లో డిసెంబ‌ర్ 22న భారీ స్థాయిలో ప్ర‌పంచ వ్యాప్తంగా విడుద‌ల కాబోతోంది. దీంతో తెలుగు రాష్ట్రాల్లో `సలార్` ఫీవ‌ర్ మొద‌లైంది. ఇప్ప‌టికే ఓవ‌ర్సీస్‌లో రికార్డు స్థాయిలో అడ్వాన్స్ టికెట్స్ బుకింగ్స్ జ‌రిగాయి. ఇండియా వ్యాప్తంగా మ‌రీ తెలుగు రాష్ట్రాల్లో ఎప్పుడెప్పుడు ఆన్ లైన్ టికెట్స్ బుకింగ్ మొద‌ల‌వుతుందా? అని అంతా ఆస‌క్తిగా ఎదురు చూస్తున్నారు.
ఇదిలా ఉంటే టాలీవుడ్ య్ంగ్ హీరో నిఖిల్ ..పాన్ ఇండియా స్టార్ ప్రభాస్ అభిమానుల‌కు గుడ్ న్యూస్ చెప్పారు. `సలార్` టికెట్స్ పంచ‌నున్న‌ట్లు హీరో నిఖిల్ ట్విట్ట‌ర్ వేదిక‌గా వెల్ల‌డించారు. `శ్రీ‌రాములు థియేట‌ర్‌లో తెల్ల‌వారు జామున ఒంటిగంట షోకు సంబంధించి ప్రభాస్ డైహార్డ్ ఫ్యాన్స్‌కు 100 టికెట్స్ ఇవ్వ‌నున్నా. దాదాపు ప‌దేళ్ల క్రితం ఈ థియేట‌ర్‌లో..అదే స‌మ‌యానికి ప్రభాస్ న‌టించిన `మిర్చి` సినిమా చూశాను. హిస్ట‌రీ రిపీట్ చేద్దాం`అని ట్వీట్ చేశారు. అభిమానుల కోరిక మేర‌కు తాను టికెట్స్ పంచుతున్న‌ట్టు చెప్పుకొచ్చారు.
తొలి టికెట్ రేటు ఎంతో తెలుసా…
`సలార్` ప్ర‌మోష‌న్స్‌లో భాగంగా చిత్ర బృందం ఓ ఇంట‌ర్వ్యూని ప్లాన్ చేసింది. ప్ర‌ముఖ ద‌ర్శ‌కుడు రాజ‌మౌళి దీనికి హోస్ట్‌గా వ్య‌వ‌హ‌రించిన‌ట్టుగా వార్త‌లు వినిపిస్తున్నాయి. ప్ర‌శాంత్‌నీల్‌, ప్రభాస్, పృథ్వీరాజ్ సుకుమార‌న్ ఈ ఇంట‌ర్వూలో పాల్గొంటున్నారు. సినిమాకు సంబంధించి ఎన్నో విష‌యాల‌ను వాళ్లు ఈ ఇంట‌ర్వ్యూలో పంచుకోనున్నార‌ని, ఇప్ప‌టికే దీనికి సంబంధించిన షూటింగ్ కూడా పూర్త‌యింద‌ని, త్వ‌ర‌లో టెలికాస్ట్ కానుంద‌ని తెలిసింది. ఇందులో భాగంగానే `సలార్` తొలి టికెట్‌ను ద‌ర్శ‌కుడు రాజ‌మౌళి కొనుగోలు చేశార‌ని..ఈ సినిమాని నైజాంలో డిస్ట్రిబ్యూట్ చేస్తున్న మైత్రీ మూవీ మేక‌ర్స్ అధినేత‌ల్లో ఒక‌రైన న‌వీన్ యెర్నేని ..ద‌ర్శ‌కుడు రాజమౌళికి టికెట్‌ని అందించిన ఫొటోలు నెట్టింట చ‌క్క‌ర్లు కొడుతున్నాయి. రాజ‌మౌళి ఖ‌రీదు చేసిన ఈ టికెట్ ధ‌ర అక్ష‌రాలా రూ.10,116 అని తెలిసింది.
స్పెష‌ల్ ఇంట‌ర్వ్యూస్‌కు త‌నే హోస్ట్‌…
`కేజీఎఫ్ సిరీస్ సినిమాల త‌రువాత ప్ర‌శాంత్ నీల్ నుంచి వ‌స్తున్న సినిమా కావ‌డంతో `సలార్` మూవీపై స‌ర్వ‌త్రా భారీ అంచ‌నాలు నెల‌కొన్నాయి. రెండు భాగాలుగా రానున్న ఈ సినిమా ఫ‌స్ట్ పార్ట్ మాత్రం డిసెంబ‌ర్ 22న భారీ స్థాయిలో ప్ర‌పంచ వ్యాప్తంగా రిలీజ్ కాబోతోంది. సినిమా రిలీజ్‌లో భాగంగా మేక‌ర్స్ టీమ్‌తో ప్ర‌త్యేక ఇంట‌ర్వ్యూలు ప్లాన్ చేసింద‌ట. వీటికి క్రేజీ హీరోయిన్ శృతి హాస‌న్ హోస్ట్‌గా వ్య‌వ‌హ‌రించ‌నున్న‌ట్టుగా తెలుస్తోంది.
