Pushpa 2 : పుష్ప2లో న్యూస్ రీడర్.. ఆ పాత్రలో కనిపిస్తుందంటూ టాక్
News reader Devi Nagavalli in Pushpa 2
Pushpa 2 : పుష్పకు జాతీయ ఉత్తమ నటుడు అవార్డును సొంతం చేసుకున్న అల్లు అర్జున్ పుష్ప2 విషయంలో మరింత జాగ్రత్తగా వ్యవహరిస్తున్నారు. ప్రస్తుతం పుష్ప2 వేగంగా షూటింగ్ జరుపుకుంటుంది. సుకుమార్ మరింత ప్రతిష్టాత్మకంగా దీన్ని మలుస్తున్నారు. ఇందులో రష్మిక హీరోయిన్ కాగా.. సునీల్, అనసూయ భరద్వాజ్, ఫాహద్ ఫజిల్, ధనుంజయ్, రావు రమేశ్ ముఖ్య పాత్రల్లో కనిపిస్తున్నారు.
పుష్ప 2పై పోషల్ మీడియాలో ఒక వార్త వైరల్ అవుతుంది. తెలుగు న్యూస్ రీడర్ దేవి నాగవల్లి ఓ కీలక పాత్రలో కనిపించబోతున్నారట. ఆమె పుష్ప షూటింగ్ సెట్ కు రోజూ వస్తున్నట్లు తెలుస్తోంది. దర్శకుడు సుకుమార్ కూడా ఆమెతో కొన్ని కీలక సన్నివేశాలను చిత్రీకరిస్తాడని తెలుస్తోంది. ఈ సినిమాలో న్యూస్ రీడర్‌గా కనిపిస్తుందా? లేక మరేదైనా పాత్రలో కనిపిస్తుందా అనేది ఆగస్ట్ 15 వరకు ఆగాల్సిందే.
పుష్ప రెండు పార్టులతోనే ఆగడం లేదని.. మూడో పార్ట్ కు కూడా ప్లాన్ జరుగుతుందని తెలుస్తోంది. పార్ట్ 2ను భారీ ట్విస్ట్ తో ముగిస్తారట దర్శకుడు సుకుమార్. పుష్ప 3 చివరిది కానుందని ఇండస్ట్రీలో గుసగుసలు వినిపిస్తున్నాయి. దీనికి కథ రెడీగానే ఉందట. 2025లో షూటింగ్ మొదలు పెడతారని తెలుస్తోంది. అల్లు అర్జున్ తో సందీప్ రెడ్డి వంగా సినిమా పూర్తయిన తర్వాత పుష్ప3 ఉంటుందట.
సోషల్ మీడియాలో మరో రూమర్ కూడా వైరల్ అవుతుంది. పుష్ప: ది రూల్ ను రూ. 350 కోట్లతో తెరకెక్కించగా.. అన్ని భాషల డిజిటల్ హక్కుల కోసం ఓ భారీ సంస్థ రూ. 1000 కోట్ల ఆఫర్ ఇచ్చిందట. ‘పుష్ప 2’లో అదిరిపోయే ఫైట్ ఉండనుందట. ఇంటర్వెల్ బ్లాక్‌లో సింహంతో పోరాడే సీన్స్ ఉంటాయట. వీటిని చాలా డిఫరెంట్ గా డిజైన్ చేశారట సుకుమార్. ఈ సీన్‌ కోసం టీమ్ థాయ్‌ వెళ్లనుందని తెలుస్తోంది.
సాయి పల్లవి ఒక కీలక పాత్రలో కనిపిస్తుందని టాక్. 10 నిమిషాల పాత్రలో కనిపించనుందట. కథను మలుపుతిప్పే పాత్రలో నటించనుందని, బహూషా గిరిజన యువతి పాత్రలో కనిపిస్తుందని కాబోలు అంటూ సోషల్ మీడియాలో ఓ వార్త హల్ చల్ చేస్తుంది. అలాంటిదేమి లేదని నిర్మాతలు చెప్తున్నారు. దేవిశ్రీ ప్రసాదే సంగీతం సమకూరుస్తున్నట్లు తెలిసిందే.
ఇక, అల్లు అర్జున్ పుష్ప2 తర్వాత మూడు సినిమాలు చేయనున్నారు. అవి అన్నీ ప్యాన్ ఇండియా సినిమాలే. పుష్ప2 రిలీజ్ కావడంతోనే త్రివిక్రమ్ తో సినిమా చేస్తారు. ఆ తర్వాత సందీప్ వంగాతో మరో సినిమా చేయనున్నారు. ఈ రెండు సినిమాల మధ్యలో అట్లీతో మరో సినిమా ఉండనున్నట్లు తెలుస్తోంది.