Hero Varun : సిటాడెల్ సీన్లపై నెటిజన్ కామెంట్.. హీరో వరుణ్ రియాక్షన్ ఇదే
Hero Varun Reactions : బాలీవుడ్ స్టార్ హీరో వరుణ్ ధావన్, సమంత కలిసి నటించిన తాజా వెబ్ సిరీస్ సిటాడెల్: హనీ బన్నీ నవంబర్ 7 నుంచి అమెజాన్ ప్రైమ్ లో స్ట్రీమింగ్ అవుతున్నది. రాజ్-డీకే దర్శకత్వం వహించిన ఈ సీరిస్ ప్రియాంక చోప్రా నటించిన హాలీవుడ్ షో సిటాడెల్ కు రీమేక్. ప్రేక్షకుల నుంచి హిందీ వెర్షన్ కు అద్భుతమైన స్పందన లభిస్తున్నది. దీంతో అభిమానులు తమ అభిప్రాయాలను సోషల్ మీడియాలో షేర్ చేసుకుంటున్నారు. అభిమానులు ఈ సిరీస్ ను అమితంగా ఇష్టపడుతున్నారు .అయితే చాలా మంది అభిమానులు సిరీస్ లోని మొదటి ఎపిసోడ్‌లో ఓ నిర్దిష్ట సన్నివేశంలో సెమీ న్యూడ్ గా చూపించడంపై నెటిజన్లు భిన్నంగా స్పందిస్తున్నారు. గతంలో వరుణ్ చేసిన సినిమాలను ఈ సందర్భంగా నెటిజన్లు గుర్తు చేసుకుంటున్నారు.
సదరు నిర్దిష్ట సన్నివేశం గురించి నెట్టింట చర్చకు దిగారు. దీనిపై భిన్నంగా కామెంట్లు కూడా పెడుతున్నారు. ఓ నెటిజన్ కామెంట్ కు వరుణ్ ధావన్ స్పందించిన తీరు నెటిజన్లు ఆశ్చర్యపోతున్నారు. ఓ నెటిజన్ ఇలా పేర్కొన్నాడు. తాను ఇప్పటి వరకు ఈ సిరీస్(సిటాడెల్) లో మూడు ఎపిసోడ్లు చూశానని చాలా బాగుందని ప్రశంసించాడు. వరుణ్, సమంత యాక్షన్ సన్నివేశాల్లో అద్భుతంగా చేశారని పేర్కొన్నాడు. కానీ వరున్ చూస్తే బాధగా ఉందని, దర్శకులందరూ వరుణ్ ని నగ్నంగా ఎందుకు చూపిస్తున్నారని పేర్కొన్నాడు.
అయితే దీనికి వరుణ్ చాలా ఫన్నీగా రియాక్టయ్యాడు. తాను ఈ సిరీస్ లో ఎక్కువ శాతం పూర్తిగా డ్రెస్ వేసుకున్నానంటటూ ఫన్నీ రిప్లై ఎమోజీలు పెట్టి తనలోని హాస్య చతురతను చాటుకున్నాడు. ఇక ఈ సిరీస్ విజయవంతంగా ప్రదర్శితమవుతుండడంతో వరుణ్ కూడా ప్రేక్షకుల కామెంట్లకు కృతజ్ఞతలు చెబుతూ రిప్లై ఇస్తున్నాడు.