Sai Pallavi : మరోసారి వివాదంలో ఇరుక్కున్న సౌత్ స్టార్ హీరోయిన్.. సాయి పల్లవి వ్యాఖ్యలపై మండిపడుతున్న నెటిజన్లు

Sai Pallavi

Sai Pallavi : సౌత్ స్టార్ హీరోయిన్ సాయి పల్లవి మరోసారి వివాదంలో చిక్కుకున్నారు. అయితే తాజాగా సోషల్ మీడియాలో వైరల్ అవుతున్న వీడియో 2022 సంవత్సరం నాటిదని కొందరు పేర్కొంటుండగా, మరికొందరు వీడియో పాతదా, కొత్తదా సంబంధం లేదని.. ఇంటర్వ్యూలో  ఇండియన్ ఆర్మీ పై అనుచిత వ్యాఖ్యలు చేయవచ్చా అని నెటిజన్లు మండిపడుతున్నారు.

అసలు ఏంటి వివాదం?
2022లో సాయి పల్లవి ఇంటర్వ్యూలో చేసిన వ్యాఖ్యలు ఓ వర్గానికి ఆగ్రహం తెప్పించాయి. ఆ వ్యాఖ్యలపై అప్పుడు పెద్ద దుమారమే రేగింది. కానీ సాయి పల్లవి తాను ఒక వర్గాన్ని కించపరిచే ఉద్దేశంతో ఆ వ్యాఖ్యలు చేయలేదని వివరణ ఇచ్చుకుంది. కానీ అప్పటికే చేయవలసిన నష్టం జరిగిపోయింది. తాజాగా మరోసారి సాయి పల్లవి వివాదంలో చిక్కుకుంది. అయితే సోషల్ మీడియాలో వైరల్ అవుతున్న ఈ వీడియో రెండేళ్ల క్రితం నాటిదని తెలుస్తున్నది.

ఇండియన్ ఆర్మీ పై వ్యాఖ్యలు!
పాకిస్తాన్ ప్రజలకు ఇండియన్ ఆర్మీ అంటే ఒక ఉగ్రవాదులనే భావన ఉంటుందని పేర్కొన్నారు. కానీ అది తప్పని సాయి పల్లవి పేర్కొన్నారు ప్రాంతాలను బట్టి ప్రజల అభిప్రాయాలు మారుతూ ఉంటాయని.. ఇది కూడా అదుపులోకి వస్తుందని సాయి పల్లవి తన వీడియోలో చెప్పుకొచ్చింది. ఈ వీడియో ఇప్పుడు సోషల్ మీడియాలో వైరల్ అవుతుంది. పాకిస్తాన్ కు అనుకూలంగా ఇండియన్ ఆర్మీ ని వ్యతిరేకిస్తూ వ్యాఖ్యలు చేశారంటూ సాయి పల్లవి పై నెటిజన్లు మండిపడుతున్నారు. ఇండియన్ ఆర్మీ ఎప్పుడైనా పరదేశంలో చొరబడిందా అని నెటిజన్లు ప్రశ్నిస్తున్నారు. ఎప్పుడైనా ఇండియన్ ఆర్మీ ఇతర దేశాలపై అక్రమంగా యుద్ధాలకు వెళ్లిందా అని నిలదీస్తున్నారు. పక్కనున్న చైనా పాకిస్తాన్ చొరబాట్లు ఎప్పుడు కనిపించలేదా అని సాయి పల్లవిపై నెటిజన్లు మండిపడుతున్నారు. తక్షణమే ఇండియన్ ఆర్మీకి క్షమాపణ చెప్పాలని డిమాండ్ చేస్తున్నారు.