NEET Paper Leak : పరీక్షకు ఒకరోజు ముందే నీట్ పేపర్ లీక్ – అరెస్టు అయిన వారి ఒప్పుకోలు

NEET Paper Leak

NEET Paper Leak : నీట్ ఎగ్జామ్-2024 పేపర్ లీక్ అయినట్లు అరెస్టు అయిన నలుగురు ఒప్పుకున్నారు. పోలీసుల విచారణలో ఈ విషయం వెలుగులోకి రావడంతో దేశ వ్యాప్తంగా కలకలం రేపుతోంది. నీట్ పేపర్ లీక్ కేసులో అభిలాషి అనురాగ్ యాదవ్, దానాపూర్ మునిసిపల్ కౌన్సిల్ కు చెందిన జూనియర్ ఇంజనీర్ సికందర్ యాదవ్, మరో ఇద్దరు నితీష్ కుమార్, అమిత్ ఆనంద్ లను బీహార్ పోలీసులు అరెస్టు చేసిన విషయం తెలిసిందే. పరీక్షకు ముందు రోజు రాత్రే సమాధానాలతో సహా పేపర్ తమ చేతికి వచ్చినట్లు అనురాగ్ యాదవ్ పోలీసుల విచారణలో కీలక విషయాలు వెల్లడించాడు. పరీక్ష ముందు రోజే తమకు ప్రశ్నాపత్రం వచ్చింది, సమాధానాలు గుర్తు పెట్టుకున్నాం. మరుసటి రోజు ఎగ్జామ్ లో అవే ప్రశ్నలు వచ్చాయి. ఎగ్జామ్ తర్వాత మిమ్మల్ని పోలీసుల అరెస్టు చేశారని తెలిపారు. నీట్ ప్రశ్న పత్రానికి ఒక్కొక్కరికి రూ.30 లక్షలు ఖర్చు అవుతుందని అమిత్ ఆనంద్, నితీష్ తనతో చెప్పారని సికందర్ యాదవెందు ఆరోపించారు. జూన్ 4న రాత్రి తమకు పేపర్ అందిందని జవాబులు బట్టిపట్టి మరుసటి రోజు పరీక్ష రాసినట్లు తెలిపాడు.

వైద్యవిద్యలో ప్రవేశాల కోసం నిర్వహించిన నీట్ ఎగ్జాం వ్యవహారంపై సీబీఐ విచారణ జరపాలన్న విజ్ఞప్తిని సుప్రీంకోర్టు తిరస్కరించింది. కేంద్ర దర్యాప్తు సంస్థతో ఎంక్వైరీకి నో చెప్పింది. అలాగే, నీట్-2024 కౌన్సిలింగ్ ను నిలిపివేయడానికి నిరాకరించింది. ఈ వ్యవహారంపై దాఖలైన నాలుగు పిటిషన్లపై జస్టిస్ విక్రమ్ నాథ్, జస్టిస్ సందీప్ మెహతాతో కూడిన బెంచ్ బుధవారం విచారణ చేపట్టింది. నేషనల్ టెస్టింగ్ ఏజెన్సీ (ఎన్టీఏ)కి నోటీసులు జారీ చేసింది. దీనిపై రెండు వారాల్లోకా వివరణ ఇవ్వాలని ఏజెన్సీని ఆదేశించింది. తదుపరి విచారణను వచ్చే నెల 8కి వాయిదా వేసింది.