Nara Lokesh Yuvagalam:డిసెంబ‌ర్ 17న నారా లోకేష్ యువ‌గ‌ళం ముగింపు, సీబీఎన్‌, ప‌వ‌న్ హాజ‌రు
Nara Lokesh Yuvagalam:టీడీపీ జాతీయ ప్ర‌ధాన కార్య‌ద‌ర్శి, యువ నేత నారా లోకేష్ యువ‌గ‌ళం పేరుతో ఏపీలో పాద‌యాత్ర‌ని ప్రారంభించిన విష‌యం తెలిసిందే. లోకేష్ యువ‌గ‌ళం పాదయాత్ర ఈ నెల 7న విశాఖ జిల్లాలోకి ప్ర‌వేశించ‌నుంది. పాయ‌క‌రావు పేట నుంచి ప్రారంభ‌మై ప‌లు నియోజ‌క వ‌ర్గాల్లో ఆయ‌న పాదయాత్ర సాగుతుంద‌ని ఆ జిల్లా నేత‌లు ప్ర‌క‌టించారు. అంతే కాకుండా ఈ నెల 17న భీమిలిలో యువ‌గ‌ళం పాదయాత్ర ముగుస్తుంద‌ని వెల్ల‌డించారు.
ఈ సంద‌ర్భంగా భీమిలిలో భారీ బ‌హిరంగ స‌భ‌ను టీడీపీ శ్రేణులు ఏర్పాటు చేస్తున్నాయి. ఈ స‌భ‌కు మాజీ ముఖ్య‌మంత్రి, టీడీపీ జాతీయ అధ్య‌క్షుడు నారా చంద్ర‌బాబు నాయుడు, జ‌న‌సేన అధినేత ప‌వ‌న్ క‌ల్యాణ్ హాజ‌రు కానున్నారు. ఆంధ్ర ప్ర‌దేశ్‌లో వైసీపీ ప్ర‌భుత్వాన్ని గ‌ద్దె దించ‌డ‌మే ల‌క్ష్యంగా టీడీపీ జాతీయ ప్ర‌ధాన కార్య‌ద‌ర్శి నారా లోకేష్ ఇటీవ‌ల యువ‌గ‌ళ పేరుతో రాష్ట్ర వ్యాప్తంగా పాద‌యాత్ర‌కు పూనుకున్న విష‌యం తెలిసిందే.