Nani son Arjun
Nani son : నిన్నటి నుండి సోషల్ మీడియా లో ఒక వార్త తెగ ప్రచారం అవుతూ అందరినీ ఆశ్చర్యానికి గురి చేస్తూ ఉంది. అదేమిటంటే న్యాచురల్ స్టార్ నాని కొడుకు అర్జున్ కమల్ హాసన్ సినిమాకి సంగీత దర్శకత్వం వహించబోతున్నాడట. వేలెడంత లేడు, ఈ బుడ్డోడు అంత పెద్ద లెజెండ్ సినిమాకి సంగీతం అందిస్తాడా, ఇదెక్కడి విడ్డూరం అని మీరంతా అనుకోవచ్చు. అక్కడికే వస్తున్నాం.
అసలు విషయానికి వస్తే న్యాచురల్ స్టార్ నాని రీసెంట్ గా మంచు మనోజ్ వ్యాఖ్యాతగా వ్యవహరిస్తున్న ‘ఉస్తాద్’ అనే టాక్ షో కి ఒక అతిథిగా విచ్చేశాడు. ఈ టాక్ షో లో నాని తన కొడుకు అర్జున్ తో జరిగిన కొన్ని శారద సంఘటనలను పంచుకున్నాడు. ఈ షో కి నాని తో పాటుగా ఆయన వీరాభిమాని గా పాపులర్ అయినా శ్రీ ప్రియా కూడా విచ్చేసింది. ఇద్దరు కలిసి మంచు మనోజ్ తో సరదాగా ఆడిన ఈ ఎపిసోడ్ బాగా హిట్ అయ్యింది.
ఇదంతా పక్కన పెడితే నాని తన కొడుకు అర్జున్ గురించి చెప్తూ ‘ఒక రోజు వాడు పియానో వాయిస్తూ ఉన్నాడు. నేను వాడి దగ్గరకి వెళ్లి చాలా బాగా వాయిస్తున్నావ్ రా, రేపు పెద్దయ్యాక ఎవరి సినిమాకి ముందుగా సంగీతం అందిస్తావు’ అని అడిగాడట. అప్పుడు నాని కొడుకు దానికి సమాధానం చెప్తూ ‘నేను పెద్దయ్యాక ముందుగా నీ సినిమాకే సంగీతం అందిస్తాను. కమల్ హాసన్ నీకు ఫేవరెట్ హీరో కదా, నీ సినిమా తర్వాత ఆయన సినిమాకే సంగీతం అందిస్తాను’ అంటూ చెప్పుకొచ్చాడు నాని. గతం లో ఆయన సోషల్ మీడియా లో అనేక సందర్భాలలో తన కొడుకుతో కలిసి ఉన్న ఫోటోలను షేర్ చేసాడు. నాని లాగానే అర్జున్ కూడా మంచి హుషారైన కుర్రాడు.
భవిష్యత్తులో ఏమి అవుతాడో తెలియదు కానీ, కచ్చితంగా గొప్పవాడు మాత్రం అవుతాడు. ఇదంతా పక్కన పెడితే రీసెంట్ నాని గత ఏడాది ‘దసరా’, ‘హాయ్ నాన్న’ వంటి సూపర్ హిట్ సినిమాలు అందుకున్న సంగతి తెలిసిందే. ఈ ఏడాది ఆయన ‘గుర్తుందా శనివారం’ , సుజిత్ సినిమాలతో మన ముందుకు రాబోతున్నాడు. ఆయన సక్సెస్ స్ట్రీక్ ని ఇలాగే కొనసాగిస్తాడో లేదో చూడాలి. ఈ రెండు సినిమాలను కూడా #RRR , ఓజీ నిర్మాతలు డీవీవీ దానయ్య నిర్మించబోతున్నారు.